泰誇張

Open Now

Now Closed

位於西環嘅泰誇張，餐廳室內設計以藍綠色為主調，仲有地下的色彩地磚，顯得很有個性。餐牌配有泰文中文英文，食物種類繁多。泰式酸辣清湯望落去係好清嘅清湯，但味道嘅豐富程度不亞於冬陰功，酸辣層次分明，十分開胃，湯料都好足料，有大蝦，青口，魷魚，鮮味十足！泰式生菜包呢個係食泰菜係必食嘅item，首先味道我係好滿意，最油份適中食落比較香口，肉碎用太瘦嘅肉就唔好食，呢個有瘦有肥，好食！豬肉紅咖喱呢個咖喱嘅味道我係第一次食到，辣就唔算係好辣，但味道個層次都幾特別，第一口好明顯係食到泰式咖喱嘅味香料同蔬菜味都融合左，但最後有少少日式咖喱嘅個甜味作結，所以感覺幾特別。蟹肉炒飯炒飯嘅飯粒夠乾身，唔會太多油，火鑊氣好足，配料同蟹肉比例都唔錯，唔講都會食得出係蟹肉炒飯。珍多冰龍眼冰兩杯飲品味道都夠正宗，珍多冰椰香超濃，龍眼冰味道就唔會死甜而係清甜，爆多果肉。