石一燒 (九龍城) (Closed)

難得朋友過來九龍城穩我玩，梗係要帶距去食好西。朋友鐘意食牛，一於同距去食和牛。呢間鋪頭係果日買貓糧經過見到既，好好奇個店名點解叫石一燒，於是搜索左下，原來係放係石頭上燒肉，驚喜發現距有和牛食，價錢都合理，就來見識一下。我地揀左個2人和牛套餐，見到都幾豐富下。首先來個櫻花蝦面豉湯，蝦好多好鮮味。呢種沙律我第一次食，距入面有海帶，好食，沙律醬都好好味。前菜由甜到酸到辣，有意思有意思一口甜薯外脆內軟，中間的菇酸酸辣辣幾開胃，最好食係個裙邊，辣辣地但係夠鮮味。重頭戲就係呢個和牛，分量都五少，店家話由最瘦食到最肥，個人感覺每一款牛都好好食，石燒既話，油脂較多的會更好食，食落有牛油的香味，但係五肥膩，配飯一流。特別要提一下碗飯，加滴燒汁撈飯，再配埋和牛，好享受。最後個甜品有滴手工製作feel，過程好開心，因為首先要將抹茶粉溶好，再倒入雪糕，最後抹茶醬竟然凍硬左，好似食緊抹茶朱古力雪糕甘