上海姥姥 (馬鞍山廣場)

Open Now

Now Closed

那日我同媽媽去食下午茶， 叫左佢呢個開洋蔥油拌麵配菜肉雲吞湯。佢d 麵有70% 唔係未煮散一抽抽， 就係好似上面既圖咁黐埋一舊。我忍唔住同樓面職員講，話你地個麵未煮好咁，大部分都黐埋一堆。佢就話呢個麵的食法係將菜肉雲吞的湯倒埋入去撈黎食，叫我試下咁食。我倒左d 湯落去，見到d 麵都係揚唔開，都無胃口再食。我想講你地呢個叫"開洋蔥油拌麵配菜肉雲吞湯"。理應係用蔥油黎撈個麵，雲吞係分開食。如果加埋個湯入去個蔥油拌麵咁樣食，點解唔一早叫菜肉雲吞湯麵不是更好?  就當你地個麵食法係咁獨特，d 麵條根本加左湯都揚唔開(如圖示)就證明係個麵煮的時候就無揚好先出菜。我自問係好有禮貌咁同個樓面職員反映呢個問題，但佢就係咁叫我用d 湯去撈個麵去解決呢件事 (仲要我問左三次佢都係咁答我)。再見到呢間餐廳外表整潔但個碗爛到咁都照用，係呢d 時期真係令人心寒。雖然佢下午茶的價錢的確係平，但咁既處理態度同埋d 碗具咁樣，下次都係不了。