4口

Open Now

Now Closed

今日特登嚟到位於中環嘅福建菜餐廳食飯，餐廳最近嘅餐牌主要都係鰻魚，我哋就叫咗幾種食物，每款都各有特色。佛跳牆套餐佛跳牆呢一個湯有好多材料，包括元貝，海參，雞肉，鮑魚等等。成個湯煮得非常之濃郁，每一啖都可以飲得到非常鮮甜嘅味道，配埋麵條一齊食，真係非常之好味。菌菇牛腩麵呢一個麵條配有幾塊牛腩，牛腩煮得非常之入味，肉味好香濃，入口非常柔軟，份量亦都唔少。麵條方面，入口彈牙爽口，配埋個湯一齊食，真係唔錯。炸黃花魚黃花魚炸得非常之香脆，魚肉仲可以保持到鮮嫩，入口唔會覺得太過油膩，非常好味。椰汁冰椰汁冰入口香甜，仲有唔少配料，例如珍珠等等，非常之足料。甜品我哋叫咗椰奶銀耳燉桃膠，椰汁嘅味道非常之香濃，配埋爽口嘅桃膠一齊食，非常之有口感。另外，我哋亦都叫咗紅菇桃膠布丁，布丁入口唔會覺得太過膩，味道清新。整體嚟講，我覺得今餐嘅食物都幾有心思，味道亦都唔錯，之後有機會嘅話，都會再嚟幫襯。