Video
Read full review
2025-01-10
60 views
琴日係男朋友生日，特登訂咗一間位於尖沙咀嘅海鮮火鍋店一齊好好慶祝吓🥳🌟貴州酸湯魚鍋 $218本身以為係類似酸菜魚嗰種有幾塊魚片俾我哋，點知一上枱我哋真係哇一聲🤩原來係足足有一條魚原條上！鍋裡面仲有好多配料，包括蕃茄、豆腐、大蔥，仲有極多大豆芽，真係非常浮誇🤩重點係魚肉入面非常嫩滑唔腥😚勁好食！至於湯底嘅酸味係勁強烈，比譚仔酸辣更加酸，係名副其實嘅酸湯😎🌟涼拌牛肉 $98呢個前菜牛肉滷得非常入味，仲有蒜頭、洋蔥嘅香氣，惹味到令人一啖接一啖，有啲越食越辣，重口味嘅過癮之選🤪🌟🌟海鮮拼盤（小） $588冇諗過小嘅海鮮拼盤都係份量十足，繼湯底之後又再一次被震撼到嘅菜式🤩有扇貝、生蠔、魷魚、蜆、海蝦，所有海鮮都非常新鮮💖可能因為佢哋有自家水池養住，特別推介海蝦同生蠔💖大隻之餘肉質鮮嫩，海蝦好彈牙，好食！🌟吊龍（大份） $208店員建議我哋將佢煮15至20秒就可以食，我比較鍾意半生熟嘅口感，牛味更加濃郁😋🌟高鈣羊肉（大份） $268呢個羊肉片帶有脆骨，每片都有一定厚度，特別係個脆骨位羊味非常濃郁！🌟🌟招牌脆皮雞 $78呢道菜嘅精髓在於雞皮，乍看都係平平無奇，但淥完之後竟然可以變得咁脆，真係非常特別
琴日係男朋友生日，特登訂咗一間位於尖沙咀嘅海鮮火鍋店一齊好好慶祝吓🥳
🌟貴州酸湯魚鍋 $218
本身以為係類似酸菜魚嗰種有幾塊魚片俾我哋，點知一上枱我哋真係哇一聲🤩原來係足足有一條魚原條上！鍋裡面仲有好多配料，包括蕃茄、豆腐、大蔥，仲有極多大豆芽，真係非常浮誇🤩重點係魚肉入面非常嫩滑唔腥😚勁好食！至於湯底嘅酸味係勁強烈，比譚仔酸辣更加酸，係名副其實嘅酸湯😎
🌟涼拌牛肉 $98
呢個前菜牛肉滷得非常入味，仲有蒜頭、洋蔥嘅香氣，惹味到令人一啖接一啖，有啲越食越辣，重口味嘅過癮之選🤪
🌟🌟海鮮拼盤（小） $588
冇諗過小嘅海鮮拼盤都係份量十足，繼湯底之後又再一次被震撼到嘅菜式🤩有扇貝、生蠔、魷魚、蜆、海蝦，所有海鮮都非常新鮮💖可能因為佢哋有自家水池養住，特別推介海蝦同生蠔💖大隻之餘肉質鮮嫩，海蝦好彈牙，好食！
🌟吊龍（大份） $208
店員建議我哋將佢煮15至20秒就可以食，我比較鍾意半生熟嘅口感，牛味更加濃郁😋
🌟高鈣羊肉（大份） $268
呢個羊肉片帶有脆骨，每片都有一定厚度，特別係個脆骨位羊味非常濃郁！
🌟🌟招牌脆皮雞 $78
呢道菜嘅精髓在於雞皮，乍看都係平平無奇，但淥完之後竟然可以變得咁脆，真係非常特別🤩而且雞肉部分亦都非常嫩滑，個口感與脆雞皮形成鮮明對比，幾過癮🤪
🌟新鮮雞雜 $68
雞雜有住雞腎、雞肝、雞子等等，非常新鮮，冇任何怪味，配埋個酸湯底錦上添花
🌟蔬菜菌菇拼盤 $98
係一個好有誠意嘅出品，裡面有足足10種不同嘅蔬菜同菇菌，特別係有比較少見嘅花生芽，口感清甜😍打邊爐一定要食菜，因為可以平衡肉類嘅油膩感同減低罪惡感😂
-
每碟食物嘅份量都非常大，有少少眼闊肚窄，最後我哋都食唔曬，但所有成品都非常出色🥹🫶🏽
-
此乃自費食評。
Post
