BriKetenia (香港科學園) (Changed Hand) New Restaurant

今日入科學園搞啲科學嘢，搞掂啲文件之後可以放工，約咗個喺度返工嘅friend慢慢食慢慢歎，朋友介紹呢間西餐廳唔錯，環境都幾好，位於科技大道四號停車場附近嘅17W一樓嘅《 Briketenia》食物有水準，值得一讚。店內環境雅緻舒適，卡位位置夠寬敞。先來個法包配anchovy醬汁~醬汁味道香濃，法包夠脆，呢個小好醒胃。煙三文魚牛油果沙律~沙律菜好新鮮，牛油果既美味又有益，配合煙三文魚是一個不錯的前菜。法式鵝肝焦糖燉蛋~真係不得了，鵝肝醬配薄脆包，呢個做法仲要比較特別，焦糖燉法甜甜地，食完一口又一口，停不了。扒大蝦扁意粉~意粉炒得香口，大蝦新鮮彈牙，味道香濃。法式油封鴨腿配薯蓉~都係嗰句，法式油封鴨做法好麻煩，出嚟見到一定要食，皮脆肉香，配薯蓉最合適。甜品-伯爵茶朱古力蛋糕配雲呢拿雪糕~飯後來杯咖啡配甜品，仲可以慢慢傾慢慢歎。