酒屋一杯喜

Open Now

Now Closed

同朋友閒遊銅鑼灣不經不覺遊走到下一站天后，又到晚飯時間，响附近發現呢間日式居酒屋，門口望落好有氣氛，於是入去試下😋店舖內有好多日本劇集懷舊poster，並播放著悅耳嘅日本歌，令人好易放鬆心情😃🥢蕃茄汁刺身沙律$138 刺身有三文魚、吞拿魚、三文魚籽、蟹籽及八爪魚，刺身份量都幾多而且好新鮮，並配合沙律菜及清甜蕃茄酸汁，酸酸地好清新醒胃🥢三文魚冰頭漬$68呢個部位原來係三文魚頭 嘅頭鼻位中間之小軟骨，有豐富嘅膠原蛋白，薄薄一片晶瑩剔透，口感煙煙韌韌又爽口，酸酸甜甜，越食越開胃🥢刺身五品盛$268當日時令有三文魚、帆立貝、真鯛、赤蝦及間八，幾款刺身都非常新鮮鮮甜又好味，而當中我哋最鍾意嘅就係真鯛，肉質細緻綿滑，魚皮爽脆，味道清香清甜🥢七裡香$62呢款串燒個名好特別，坊間比較少見，其實係…雞patpat😝，咬一口油香四溢，咀嚼出滿口油脂嘅甘🥢雞冠$62坊間又係比較少見嘅部位，外圍質地Q彈軟糯，內裡軟滑綿腍🥢鹽燒白鱔$68肉厚鮮甜，魚味濃郁，外皮香脆，肉質爽口彈牙🥢野菜天婦羅$88野菜有冬菇、茄子、南瓜、蕃薯及青椒仔，粉漿薄身香脆，冬菇彈牙菇味濃郁、蕃薯及南瓜甜香、青椒仔爽脆，而茄子軟腍綿滑，食