Video
Read full review
2021-01-23
182 views
中午同同事去咗旺角T.O.P食晏，搭地鐵勁快勁方便，舒服過喺自己區搵食，因為唔使喺人群中穿插。我哋去咗四樓嘅「No Money So Lonely」食晏，個名又搞笑又慘😝😭。餐廳空間超大，分唔同區域，每區環境裝修都玩味十足，別出心裁，相當型格😎。呢度就連🍽餐具同紙巾都有經過精心設計，抵讚👍！餐牌上嘅菜名好正，不過如果讀出嚟會有啲尷尬😳，哈哈。食物種類包括小食、沙律、薄餅、意粉、飯、甜品以至各式飲品。生舊素叉燒好過生你比薩配秘製麥芽糖醬($108)，🍕薄餅直徑大約9至10吋，係薄脆批嘅款式，所以唔驚會食到滯咗。依個可算係素Pizza，因為用上素叉燒，應該係豆類製品，不過都係真肉好食啲🙈。醬汁方面，起初食覺得甜甜哋，幾新奇，但兩個人食到尾就有少少膩，所以建議多啲人Share食會好啲。煙三文魚海鮮醬意大利麵($112)，🍝扁意粉賣相唔錯，口感彈牙、有嚼勁。驟眼睇都已經覺得好多汁，食落果然無落差，不過估唔到嘅係原來「海鮮醬」係咁辣🌶，仲要唔係BB辣嗰種呢，但確係幾惹味嘅🤤。煙三文魚砌成一朵花🌹，靚得嚟，份量仲要唔孤寒，有三大塊！腐皮扎肉($68)，可能由於係炸嘅關係，佢係呢餐最遲上嘅食物。🍢腐
中午同同事去咗旺角T.O.P食晏，搭地鐵勁快勁方便，舒服過喺自己區搵食，因為唔使喺人群中穿插。我哋去咗四樓嘅「No Money So Lonely」食晏，個名又搞笑又慘😝😭。
餐廳空間超大，分唔同區域，每區環境裝修都玩味十足，別出心裁，相當型格😎。呢度就連🍽餐具同紙巾都有經過精心設計，抵讚👍！
餐牌上嘅菜名好正，不過如果讀出嚟會有啲尷尬😳，哈哈。食物種類包括小食、沙律、薄餅、意粉、飯、甜品以至各式飲品。
生舊素叉燒好過生你比薩配秘製麥芽糖醬($108)，🍕薄餅直徑大約9至10吋，係薄脆批嘅款式，所以唔驚會食到滯咗。依個可算係素Pizza，因為用上素叉燒，應該係豆類製品，不過都係真肉好食啲🙈。醬汁方面，起初食覺得甜甜哋，幾新奇，但兩個人食到尾就有少少膩，所以建議多啲人Share食會好啲。
煙三文魚海鮮醬意大利麵
$112
5 views
0 likes
0 comments
煙三文魚海鮮醬意大利麵($112)，🍝扁意粉賣相唔錯，口感彈牙、有嚼勁。驟眼睇都已經覺得好多汁，食落果然無落差，不過估唔到嘅係原來「海鮮醬」係咁辣🌶，仲要唔係BB辣嗰種呢，但確係幾惹味嘅🤤。煙三文魚砌成一朵花🌹，靚得嚟，份量仲要唔孤寒，有三大塊！
腐皮扎肉
$68
9 views
0 likes
0 comments
腐皮扎肉($68)，可能由於係炸嘅關係，佢係呢餐最遲上嘅食物。🍢腐皮扎肉造型有啲似燒賣，一客有八粒，配沙律醬食。本身見個樣以為係入貨，不過咬開就知係真材實料。腐皮似燒賣皮，入面包住嘅肉餡由扎肉、粉絲同蔬菜絲等組成，好特別。Btw扎肉同越南舖食開嘅有啲唔同🤔。
總括嚟講，餐廳唔係淨係得個樣，食物出品都好好食😋。以商場舖而言，佢定價唔算貴，一百蚊左右都食到主菜，又夠飽。女店員靚女又好人🙏🏻，會主動介紹菜式。推介🌟！
Post
