Video
Read full review
2020-07-08
2655 views
以往嘅生日飯都會喺某酒店解決，但自從過去兩年發現水準漸漸下降之後，今年決定試新野。左睇右睇，最後揀咗amigo。知道有呢間餐廳好耐，一直都冇機會去....香港美食多的是，今次終於可以試吓。蝦子餅早幾日就打電話嚟訂位，並且同侍應講低咗係慶祝生日，蛋糕上面要寫咩字（慶祝生日餐廳會送細拿破崙蛋糕一個）。喺銅鑼灣shopping一陣之後，就直接過餐廳食嘢。我同蝦子餅經過呢度嘅門口無數次，今次都係第一次入去。一去到嘅時候門口已經有職員幫我哋開門，帶我地去樓上坐低。餐廳本身唔大，枱同枱之間嘅距離比我想像中近。由於一早訂咗位嘅關係，佢哋安排咗一個圓形梳化位俾我哋兩個，上面仲已經有刻好名嘅note pad。我哋兩個都唔飲酒，所以要左兩杯sparkling water 。另外每人要咗個四道菜嘅set, 頭盤Parma ham, 煎鴨肝各一；湯clam chowder， 鮑魚蘑菇各一；主菜煎羊架，牛扒各一；甜品疏乎厘，brownie 各一。先講頭盤，鴨肝煎得好香，Parma ham 一般般；湯clam chowder 好rich，蘑菇鮑魚湯反而有少少格格不入（但味道ok) 。值得一讚嘅係餐廳嘅麵包，夠熱之
知道有呢間餐廳好耐，一直都冇機會去....香港美食多的是，今次終於可以試吓。
蝦子餅早幾日就打電話嚟訂位，並且同侍應講低咗係慶祝生日，蛋糕上面要寫咩字（慶祝生日餐廳會送細拿破崙蛋糕一個）。
喺銅鑼灣shopping一陣之後，就直接過餐廳食嘢。我同蝦子餅經過呢度嘅門口無數次，今次都係第一次入去。一去到嘅時候門口已經有職員幫我哋開門，帶我地去樓上坐低。
餐廳本身唔大，枱同枱之間嘅距離比我想像中近。由於一早訂咗位嘅關係，佢哋安排咗一個圓形梳化位俾我哋兩個，上面仲已經有刻好名嘅note pad。
我哋兩個都唔飲酒，所以要左兩杯sparkling water 。另外每人要咗個四道菜嘅set, 頭盤Parma ham, 煎鴨肝各一；湯clam chowder， 鮑魚蘑菇各一；主菜煎羊架，牛扒各一；甜品疏乎厘，brownie 各一。
先講頭盤，鴨肝煎得好香，Parma ham 一般般；湯clam chowder 好rich，蘑菇鮑魚湯反而有少少格格不入（但味道ok) 。值得一讚嘅係餐廳嘅麵包，夠熱之餘，侍應會好細心見到你食完問需唔需要再加，我忍唔住食咗兩舊大嘅法國麵包，配埋玫瑰造型牛油好好味。
係呢個時候侍應上咗兩杯雪糕嘅物體俾我哋，原來係sorbet , 俾我哋清一清味蕾，預備嚟緊嘅主菜，安排值得一讚。
主菜我哋兩個都係要咗medium, 煎得恰到好處；至於甜品我覺得個疏乎厘好好食，反而brownie 麻麻哋。
係呢個時候侍應拎咗生日蛋糕過嚟，live band 唱咗首生日歌只可惜我已經好飽，侍應好細心咁主動問我哋需唔需要打包個蛋糕。難得有live band 可以點歌，我當然點番首我最近愛上嘅貓王情歌（要記得即刻打賞返）。
其實餐廳食物嘅質素普普通通（當然呢個價錢真係冇得輸），佢優勝嘅地方係服務，成個dining experience—侍應每上一道菜都會係張枱嘅旁邊熱著咁上，裝嘢食嘅器皿係熱嘅職員服務好好，會留意客人食完一樣野先再慢慢上下一個，而且好主動幫忙影相 ，另外每位女士都會收到玫瑰花一支。喺呢度慶祝紀念日或者生日真係冇得頂。我自己就成晚都好沉醉係呢個old-fashioned romance。
講返個拿破崙生日蛋糕，唔知係咪已經製作左一段時間，上面嘅士多啤梨好似有啲乾.....
可能受疫情影響，又或者因為唔係weekend嘅關係，餐廳地下果層冇開，上層只係有七至八張枱左右，希望餐廳能夠捱過呢一次嘅危機.....因為我打算再嚟幫襯。
疏乎厘
80 views
0 likes
0 comments
羊架
84 views
2 likes
0 comments
Clam chowder
63 views
0 likes
0 comments
煎鴨肝
63 views
0 likes
0 comments
Post
