Video
Read full review
2020-06-07
160 views
窩子店舖唔大，所以坐得唔多人，我地週末嚟到要等差唔多成個半鐘。排隊嘅時候可以係新蒲崗行下，順便探索下呢個社區，會有好多新發現。窩子嘅裝修主要以懷舊為主題，有好多舊嘅物品放係唔同角落，好似返翻去舊時八九十年代咁，綠色嘅牆上亦都掛住好多水彩畫，好清新。▶️野菌松露油忌廉意粉🍝一上枱就已經聞到好香嘅松露味，食落都好香。忌廉香濃好滑，但唔會漏，而且唔鹹。扁意粉軟硬岩岩好，好高質。▶️夏威夷酥皮薄餅🍕窩子嘅pizza係酥皮style，覺得幾特別。薄餅唔係好大個，兩個人食會有啲太多。配料豐富，芝士會有啲拉絲效果，酥皮pizza會比普通餅底鬆化，牛油香好重，幾特別，味道配搭都唔錯（不過本人都係比較鐘意傳統薄pizza）▶️草莓配雜莓雪葩窩夫🧇本身係想叫佢地嘅梳孚里pancake試下，但太遲到所以賣哂，好可惜。所以叫左佢地嘅窩夫試下。窩夫鬆軟，外皮好脆。雪葩酸酸地好清新，配埋一大pat忌廉同窩夫一齊食好邪惡好好味😋！▶️玫瑰蜜桃果茶🍵叫左個熱茶消滯，個茶壺好得意，影相一流。蜜桃茶好香，不過我就覺得佢蓋過左玫瑰味，同埋有啲太酸。窩子俾人一個親切溫馨嘅感覺，坐得都好舒服，主食到甜品都有好多選擇。週末嘅時候好適合三
窩子嘅裝修主要以懷舊為主題，有好多舊嘅物品放係唔同角落，好似返翻去舊時八九十年代咁，綠色嘅牆上亦都掛住好多水彩畫，好清新。
▶️野菌松露油忌廉意粉🍝
一上枱就已經聞到好香嘅松露味，食落都好香。忌廉香濃好滑，但唔會漏，而且唔鹹。扁意粉軟硬岩岩好，好高質。
▶️夏威夷酥皮薄餅🍕
窩子嘅pizza係酥皮style，覺得幾特別。薄餅唔係好大個，兩個人食會有啲太多。配料豐富，芝士會有啲拉絲效果，酥皮pizza會比普通餅底鬆化，牛油香好重，幾特別，味道配搭都唔錯（不過本人都係比較鐘意傳統薄pizza）
▶️草莓配雜莓雪葩窩夫🧇
本身係想叫佢地嘅梳孚里pancake試下，但太遲到所以賣哂，好可惜。所以叫左佢地嘅窩夫試下。窩夫鬆軟，外皮好脆。雪葩酸酸地好清新，配埋一大pat忌廉同窩夫一齊食好邪惡好好味😋！
▶️玫瑰蜜桃果茶🍵
叫左個熱茶消滯，個茶壺好得意，影相一流。蜜桃茶好香，不過我就覺得佢蓋過左玫瑰味，同埋有啲太酸。
窩子俾人一個親切溫馨嘅感覺，坐得都好舒服，主食到甜品都有好多選擇。週末嘅時候好適合三兩知己一齊係到嘆個下午茶，不過記得早啲去排隊啦。仲有好多野食未試過，下次會再嚟。
野菌松露油忌廉意粉
$79
16 views
0 likes
0 comments
草莓配雜莓雪葩窩夫
$74
12 views
0 likes
0 comments
玫瑰蜜桃果茶
$42
13 views
0 likes
0 comments
夏威夷酥皮薄餅
$107
26 views
0 likes
0 comments
Post
