大師兄美食車

Open Now

Now Closed

今天是星期六早上接近12點，本人剛巧在會展附近工作，本想離開時，發覺這部美食車，本人當然要試一試。我試的最大原因，除了因爲貪新鮮之外，最大原因係因為無人排隊。新聞紙經常強調美食車人龍很長，有些還要排一小時左右，現在唔需要排隊，我就更加想試一試。其實我都沒有好認真看過這架車，因為每當我行近附近，那些職員就會問「你要咩呀？」我其實幾怕呢套推銷方法，雖然我應該會幫襯，但我都要睇清楚呀！最後衝破自己心理障礙，終於行近睇下有咩食，以下係餐單：本人選擇了京式烤鴨叉包，因為覺得這個包的醬，應該可以。但本人點選後，聽那裡周邊工作的人員透露，最抵食是燒賣，下次我都試一試先。說回這個包：這個包其實都算值得一試，不過就未必會再試。因為其實都只係對美食車的一種支持，賣相可以，味道中規中矩，但其實個包皮太厚，都係食片皮鴨那個薄片口感好些，佢有塊黃瓜，開頭都幾開心，覺得應該會有酸酸甜甜的感覺，但原來那塊黃瓜味道根本唔出，浪費設計，再加上份量太少，下次都係聽人講，食燒賣算數。