Video
Read full review
2023-03-14
234 views
有一次無意中喺IG睇到介紹一間糖水店推出超綠開心果露😳平時食糖水都係食西米露、涼粉、芋圓哩類嘅糖水，好少留意懷舊中式糖水，加上第一次聽開心果露，所以好深刻。咁岩有一日見到有人寫食評，提起哩間甜品店，就喺食晚餐嘅地方附近，佢都有開心果露‼️當然要帶我嘅移民朋友去試下😆夜晚食串燒未夠鐘，所以調一調個次序。食咗甜品先😌二黎，星期五晚多人出去食飯，食完飯一定會好多人，到時大排長龍。早啲食就可以唔洗排隊😌每人叫咗一個甜品，可以交換share。揀甜品嘅時候，十五十六，想試下佢啲傳統糖水，但又怕會好飽食唔落正餐。最後，好貪心咁叫咗兩個傳統糖水，仲要升級湯丸、豆腐花，唔頂胃嘅都唔叫🤣研香雙拼合桃腰果 ($38)Walnut with Cashew Dessert Soup糖水可以揀全甜或者半甜，餐廳推薦半甜。 我哋加$10升級湯丸，有三粒，係芝麻餡。 湯丸薄皮多餡。糖水同湯丸甜度適中，我諗揀全甜的話，就會太甜啦。研香開心果露 ($48)Pistachio Dessert Soup同樣可以揀全甜或者半甜，餐廳亦係推薦半甜。開心果露仲可以免費加豆腐花。 開心果露選用意大利開心果，顏色偏向淺黃色，唔會青BB好
平時食糖水都係食西米露、涼粉、芋圓哩類嘅糖水，好少留意懷舊中式糖水，加上第一次聽開心果露，所以好深刻。
咁岩有一日見到有人寫食評，提起哩間甜品店，就喺食晚餐嘅地方附近，佢都有開心果露‼️當然要帶我嘅移民朋友去試下😆
夜晚食串燒未夠鐘，所以調一調個次序。
食咗甜品先😌二黎，星期五晚多人出去食飯，食完飯一定會好多人，到時大排長龍。早啲食就可以唔洗排隊😌
每人叫咗一個甜品，可以交換share。
揀甜品嘅時候，十五十六，想試下佢啲傳統糖水，但又怕會好飽食唔落正餐。
最後，好貪心咁叫咗兩個傳統糖水，仲要升級湯丸、豆腐花，唔頂胃嘅都唔叫🤣
研香雙拼合桃腰果 ($38)
Walnut with Cashew Dessert Soup
糖水可以揀全甜或者半甜，餐廳推薦半甜。 我哋加$10升級湯丸，有三粒，係芝麻餡。 湯丸薄皮多餡。
糖水同湯丸甜度適中，我諗揀全甜的話，就會太甜啦。
研香開心果露 ($48)
Pistachio Dessert Soup
同樣可以揀全甜或者半甜，餐廳亦係推薦半甜。開心果露仲可以免費加豆腐花。 開心果露選用意大利開心果，顏色偏向淺黃色，唔會青BB好假。
豆腐花大約佔1/3左右。
我哋食咗合桃腰果露先，到開心果露...
完全無味😟好淡，唔單止係無乜開心果味，係甜品都無。淨係食到豆腐花嘅豆味，而且感覺個糖水有啲水，比想像中冇咁杰身。
有啲失望，唔知道會唔會係因為個豆腐花影響咗個味道，唔推薦哩個甜品。
餐廳位於厚福街，一直行到最後就見到，唔難搵。
到達嘅時候係7點左右，所以甜品店幾乎係無人。過咗大約15分鐘，陸續開始有人入座，原來有好 多人同我哋一樣，都係咁早食甜品🫢
餐廳乾淨，人客唔算太多，都坐得幾舒服。
職員態度都好有禮貌。
我比較少食傳統糖水，但印象中哩一類嘅糖水都會相對杰身。哩間甜品店，兩個糖水都比較稀。
兩個糖水比較之下，都係傳統嘅合桃腰果露較為好食。
Post
