Video
Read full review
2024-12-23
0 views
同家人晚飯，決定試下呢間主打龍蝦嘅中餐館。餐廳氣氛幽靜良好，格調設計頗具美感。餐廳用 tablet點餐，掃視咗餐單，我哋好快定咗要套餐B，分餐湯、頭盤、主菜、甜品。餐具甚為精美。餐湯係菠菜暖胃湯，飲得出係雞湯底。雖然係用玻璃酒爵形器皿呈上，睇落幾特別，不過飲湯我都係鍾意用碗同匙羹。頭盤係三件小點心，用一個大碟裝住三小件形色各異嘅龍蝦蝦餃、蟹子鮮蝦燒賣、卡邦尼小甘筍。賣相頗精美。不過龍蝦蝦餃裏面並冇乜龍蝦，食落同普通蝦餃冇太大分別；蟹子鮮蝦燒賣係名副其實；卡邦尼小甘筍幾有創意，顏色造型餡料都幾合襯，食落幾香口。主菜/主食係龍蝦湯海鮮泡飯。賣相好好，熱辣辣紅彤彤一大煲，露出張牙舞爪嘅龍蝦殼、鉗、鬚等等，倒埋脆米落去，霎時沸騰，龍蝦香氣亦越發明顯。食指大動，去殼食肉飲湯吃飯，湯係真材實嘅龍蝦海鮮湯，飲落好鮮甜（而且之後都冇頸渴），撈埋啲飯一家人竟然食晒咁一大煲！期待同樣係熱食嘅甜品，但係甜品係番石榴紅粉玉露，水果派系，係凍㗎。照常嚟講呢個甜品得分應該係高，色香味都經都起推敲。香滑清新嘅番石榴果蓉加埋入口頓覺驚喜嘅脆卜卜西米，成個甜品口感好有對比同層次。但係天氣凍，所以打咗折扣。套餐標明係全日
餐廳氣氛幽靜良好，格調設計頗具美感。
餐廳用 tablet點餐，掃視咗餐單，我哋好快定咗要套餐B，分餐湯、頭盤、主菜、甜品。
餐具甚為精美。餐湯係菠菜暖胃湯，飲得出係雞湯底。雖然係用玻璃酒爵形器皿呈上，睇落幾特別，不過飲湯我都係鍾意用碗同匙羹。
頭盤係三件小點心，用一個大碟裝住三小件形色各異嘅龍蝦蝦餃、蟹子鮮蝦燒賣、卡邦尼小甘筍。賣相頗精美。不過龍蝦蝦餃裏面並冇乜龍蝦，食落同普通蝦餃冇太大分別；蟹子鮮蝦燒賣係名副其實；卡邦尼小甘筍幾有創意，顏色造型餡料都幾合襯，食落幾香口。
主菜/主食係龍蝦湯海鮮泡飯。賣相好好，熱辣辣紅彤彤一大煲，露出張牙舞爪嘅龍蝦殼、鉗、鬚等等，倒埋脆米落去，霎時沸騰，龍蝦香氣亦越發明顯。食指大動，去殼食肉飲湯吃飯，湯係真材實嘅龍蝦海鮮湯，飲落好鮮甜（而且之後都冇頸渴），撈埋啲飯一家人竟然食晒咁一大煲！
期待同樣係熱食嘅甜品，但係甜品係番石榴紅粉玉露，水果派系，係凍㗎。照常嚟講呢個甜品得分應該係高，色香味都經都起推敲。香滑清新嘅番石榴果蓉加埋入口頓覺驚喜嘅脆卜卜西米，成個甜品口感好有對比同層次。但係天氣凍，所以打咗折扣。
套餐標明係全日套餐。個人覺得呢個套餐如果係午餐就比較合適。因為主食嘅飯係好多份量。湯飯裏面都係啲頭頭尾尾鉗同殼，冇乜啖啖肉嘅龍蝦，應該係攞咗去做其他餸。寫明嘅其他海鮮都寥寥無幾，鮑魚每人淨係得好均真嘅半隻，比較小家。明白噉嘅價錢唔可以要求太多。但係單就套餐嘅設計嚟講略顯單薄，呢個套餐嘅食材種類偏少，比例上以米飯食到飽，所以作為晚餐嚟講，感覺稍欠豐盛、均衡同健康。
Post
