Video
Read full review
2020-10-18
674 views
喺香港食拉麵通常都離不開最基本既豬骨湯底或者醬油湯底，又或者近年好hit既雞湯拉麵；至於海鮮類既湯底好多人都會第一時間諗起鯛魚湯或者魚介湯，但係哩間米芝蓮一星既日本過江龍拉麵竟然係主打貝汁湯底既拉麵，聽聞個湯用60kg既大蜆去熬制，未食都已經覺得好吸引🤩*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*🍜 貝汁鹽味拉麵(+溏心蛋) ($128 +$15)除左個麵、湯底同叉燒哩啲基本配置，入面仲有白松露油、牛肝菌醬、京蔥、煙肉碎同一啲香草。碗麵就咁聞落好香松露味，個湯飲落同平時一般既拉麵唔同，佢唔似平時豬骨湯嗰種一飲就好覺得個味好濃郁好強烈，反而一入口就有一浸好清香既菌香，然後大蜆既鮮甜隨即透出黎，基本上一路飲落去就會feel到菌同蜆既味道不斷交替，兩者既唔會互相衝撞，又唔會一隻味比另一隻味cum左，只能話師傅喺湯底味道既balance上做得好出色，有別於一般“死咸”或者味道單一既拉麵，哩個湯頭清澈得黎味道上又帶有層次感，要做到哩個效果相信都唔容易，技術含量應該好高。佢地既麵標榜係自家製，比較幼身，口感適中，雖然幼身既麵條可以吸收更多湯汁，但係掛湯能力一般，如
*,.▤‥‥‥‥‥‥‥‥‥‥𝓵𝓮𝓽'𝓼 𝓼𝓽𝓪𝓻𝓽‥‥‥‥‥‥‥‥‥‥▤,.*
🍜 貝汁鹽味拉麵(+溏心蛋) ($128 +$15)
貝汁鹽味拉麵
$128
24 views
0 likes
0 comments
除左個麵、湯底同叉燒哩啲基本配置，入面仲有白松露油、牛肝菌醬、京蔥、煙肉碎同一啲香草。碗麵就咁聞落好香松露味，個湯飲落同平時一般既拉麵唔同，佢唔似平時豬骨湯嗰種一飲就好覺得個味好濃郁好強烈，反而一入口就有一浸好清香既菌香，然後大蜆既鮮甜隨即透出黎，基本上一路飲落去就會feel到菌同蜆既味道不斷交替，兩者既唔會互相衝撞，又唔會一隻味比另一隻味cum左，只能話師傅喺湯底味道既balance上做得好出色，有別於一般“死咸”或者味道單一既拉麵，哩個湯頭清澈得黎味道上又帶有層次感，要做到哩個效果相信都唔容易，技術含量應該好高。
佢地既麵標榜係自家製，比較幼身，口感適中，雖然幼身既麵條可以吸收更多湯汁，但係掛湯能力一般，如果係平時果啲味道濃厚既湯底，掛湯能力太好未必係好事，因為太掛湯反而會令每一啖食落更加咸，但正正因為哩個湯底係屬於比較清香既類型，所以我會想佢既掛湯能力好啲，而家食落去有少少減淡左湯底既味，但係整體黎講個麵都係唔錯既，食落有一浸小麥既香味。
個溏心蛋亦都好高質，生熟度岩岩好，難得既係一啲都唔會太咸但係又食到濃濃既醬油味。相比起其他元素，叉燒既質素就差少少，雖然唔乾唔鞋，但係偏瘦，而且切得好薄，食落平平無奇，但係食得出有用醬油調味，唔係普通白烚叉燒。
💡P.S. 關於哩間餐廳，網上既評價好兩極，哩度既拉麵同一般香港食到既拉麵好唔同，我自己就幾鍾意哩種清澈又鮮甜既味道，但係對於一啲偏好湯頭濃厚、口味濃郁既人黎講可能未必接受到，所以如果大家有興趣試哩間可以不妨睇多幾個review先。另外，雖然間店推薦貝汁醬油拉麵，但係我覺得鹽味會比醬油味更加食得出蜆味既鮮甜，哩點大家可以參考下😉
Post
