Video
Read full review
2023-05-23
92 views
科學園而家開咗好多高質餐廳，好適合weekend嘅時候過嚟放鬆一下、行吓海邊，唔講唔知，喺三期嗰邊隱藏咗一間法國米芝蓮一星餐廳BriKetenia，我同朋友一人揀咗一個Set Dinner，由$200多到$500多不等，包咗Starter， Main course同餐飲，甜品需要另加(+$58）。⭐️鯷魚醬餐包自家製嘅麵包外脆內軟，我幾時都話一間好嘅西餐廳，一定要睇吓佢嘅麵包質素如何，如果連麵包都咁有心思嘅話，呢間餐廳嘅質素都唔會差得去邊！配上鯷魚他他醬，鯷魚醬酸鹹比例啱啱好。⭐️法式鵝肝焦糖燉蛋(Foie Gras Crème Brûlée)見到個名嘅時候都覺得幾得意，鵝肝點做焦糖燉蛋？？完來係採用咗焦糖燉蛋嘅做法去整呢個前菜，以新鮮鵝肝、鵝肝醬、忌廉及蛋漿混合再烤焗，表層糖衣燒得金黃。入口鵝肝醬嘅香味非常香濃，口感如幼滑的燉蛋，我覺得係非常有驚喜嘅頭盤⭐️白酒煮新鮮青口每一隻都好肥美，真係好耐冇食過咁清甜鮮嫩嘅青口，真係要新鮮加上煮得啱啱好嘅青口先可以做到呢個質感，簡單配上白酒同少少檸檬汁，已經好好食。⭐️加拿大豬扒伴薯蓉及新鮮蔬菜豬扒經過慢煮，中間呈粉嫩，不怕高溫破壞食材的蛋白質而影響口
科學園而家開咗好多高質餐廳，好適合weekend嘅時候過嚟放鬆一下、行吓海邊，唔講唔知，喺三期嗰邊隱藏咗一間法國米芝蓮一星餐廳BriKetenia，我同朋友一人揀咗一個Set Dinner，由$200多到$500多不等，包咗Starter， Main course同餐飲，甜品需要另加(+$58）。
⭐️鯷魚醬餐包
自家製嘅麵包外脆內軟，我幾時都話一間好嘅西餐廳，一定要睇吓佢嘅麵包質素如何，如果連麵包都咁有心思嘅話，呢間餐廳嘅質素都唔會差得去邊！配上鯷魚他他醬，鯷魚醬酸鹹比例啱啱好。
⭐️法式鵝肝焦糖燉蛋(Foie Gras Crème Brûlée)
見到個名嘅時候都覺得幾得意，鵝肝點做焦糖燉蛋？？完來係採用咗焦糖燉蛋嘅做法去整呢個前菜，以新鮮鵝肝、鵝肝醬、忌廉及蛋漿混合再烤焗，表層糖衣燒得金黃。入口鵝肝醬嘅香味非常香濃，口感如幼滑的燉蛋，我覺得係非常有驚喜嘅頭盤
⭐️白酒煮新鮮青口
每一隻都好肥美，真係好耐冇食過咁清甜鮮嫩嘅青口，真係要新鮮加上煮得啱啱好嘅青口先可以做到呢個質感，簡單配上白酒同少少檸檬汁，已經好好食。
⭐️加拿大豬扒伴薯蓉及新鮮蔬菜
豬扒經過慢煮，中間呈粉嫩，不怕高溫破壞食材的蛋白質而影響口感，所以仲係好Juicy。旁邊嘅蔬菜有菠菜、甘筍、蘆筍等。
⭐️香煎法國油封鴨伴薯蓉
一個好正宗的法國菜，鴨腿大大隻，外層煎得香脆，肉質結實又唔乾，入口有陣陣鴨油酥香，但係佢嘅薯蓉就同我哋平時食開嘅唔同，有粒粒嘅口感，都比較特別！
Post
