Video
Read full review
2022-07-21
976 views
聽過人講依間omakase無咩特色，又聽過人講依間omakase係佢最愛，兩極嘅comment或者都反映到omakase就係一樣咁神奇而又個人化嘅存在。要搵到啱自己口味﹑喜好嘅鮨店太難，而對我黎講佢就係第一間令我一訪後即刻book二訪嘅鮨店嘞～❝Lunch Omakase - 花❞ ($780)依個set包含茶碗蒸﹑十二貫壽司﹑卷物﹑玉子﹑麵豉湯，甜品，不過要留意8月開始就唔會再有依個set，得翻包含三款前菜嘅「昼」set。到訪當日嘅蟹肉茶碗蒸鮮味突出，不過無乜太大感覺，但去到第一貫壽司開始，就預計同到對依間鮨店嘅喜愛。事源我比較重口味，試過某預約困難店，覺得舍利太淡，至於今次就試到暫時最最合我口味嘅舍利！味道偏向鹹鹹酸酸，質感粒粒分明，唔會黏稠，異常地有咬口，溫度微暖，酸度唔算太濃烈，但每一啖都會滲透少少酸味出黎，同各款魚料都相襯得宜。至於魚料方面，最有記憶點要數膠質甜度都適中，但異常地與舍利搭配得宜嘅〔北海道甜蝦〕，酸度唔算突出但口感緊實有致嘅〔小肌〕，以個人最愛調味－蔥點綴嘅〔池魚〕，例牌野例如〔赤身醬油漬〕﹑〔拖羅〕及〔海膽〕都無失望。〔吞拿魚蓉手卷〕內加入咗爽脆蘿蔔乾，相當美
❝Lunch Omakase - 花❞ ($780)
依個set包含茶碗蒸﹑十二貫壽司﹑卷物﹑玉子﹑麵豉湯，甜品，不過要留意8月開始就唔會再有依個set，得翻包含三款前菜嘅「昼」set。到訪當日嘅蟹肉茶碗蒸鮮味突出，不過無乜太大感覺，但去到第一貫壽司開始，就預計同到對依間鮨店嘅喜愛。
事源我比較重口味，試過某預約困難店，覺得舍利太淡，至於今次就試到暫時最最合我口味嘅舍利！味道偏向鹹鹹酸酸，質感粒粒分明，唔會黏稠，異常地有咬口，溫度微暖，酸度唔算太濃烈，但每一啖都會滲透少少酸味出黎，同各款魚料都相襯得宜。
至於魚料方面，最有記憶點要數膠質甜度都適中，但異常地與舍利搭配得宜嘅〔北海道甜蝦〕，酸度唔算突出但口感緊實有致嘅〔小肌〕，以個人最愛調味－蔥點綴嘅〔池魚〕，例牌野例如〔赤身醬油漬〕﹑〔拖羅〕及〔海膽〕都無失望。〔吞拿魚蓉手卷〕內加入咗爽脆蘿蔔乾，相當美味。
整體黎講魚料對我黎講係有足夠鮮味，調味得宜，但未算話有驚嘆嘅必要，係勝在舍利實在太深得我心，又同各款魚料都相襯。反而後續嘅玉子極有驚喜，嫩滑程度有如甜品一般，口感細膩令人想食多幾舊HAHAHA
今次首訪當然要request健師傅試試佢手勢，係一如預期中嘅沉穩實在，亦有留意食客反應、適時交流。店員姐姐仲好健談同我地傾到碗碗碟碟各種精美用具，用餐體驗很愉快～
𓂃𓈒 𓂂𓏸 Sushi Wadatsumi 𓏸𓂂 𓈒𓂃
尖沙咀梳士巴利道18號K11 Musea6樓607號舖
港鐵尖沙咀站J出口，步行約6分鐘抵達
星期一至日12:00 - 15:00 / 19:00 - 22:30營業
公眾假期12:00 - 14:30 / 18:30 - 22:00營業
𓂃𓈒 𓂂𓏸 𝐫𝐚𝐭𝐢𝐧𝐠 𓏸𓂂 𓈒𓂃餐點味道 | ♥︎♥︎♥︎♥︎♥︎♥︎♥︎♥︎♥︎♡
抵食指數 | ♥︎♥︎♥︎♥︎♥︎♥︎♥︎♥︎♡♡
店舖環境 | ♥︎♥︎♥︎♥︎♥︎♥︎♥︎♥︎♡♡
用餐體驗 | ♥︎♥︎♥︎♥︎♥︎♥︎♥︎♥︎♥︎♡
推薦程度 | ♥︎♥︎♥︎♥︎♥︎♥︎♥︎♥︎♥︎♡
適合場景 | 二人聚餐
Post
