初遇

Open Now

Now Closed

屋企附近最近開咗初遇嘅台灣餐廳。餐廳新開張經常有人排隊，今次我醒目有預先用apps 拎定飛，去到等咗一張檯就好快有位喇。近日天氣都好凍，見到餐廳有鍋物就叫嚟試下，屋企人唔食辣所以叫咗個台式香濃沙茶鍋。✨台式香濃沙茶鍋 - 配沙茶醬沙茶鍋非常足料，有娃娃菜、牛肉片、米血糕、牛丸，沙白、粟米、金菇、烤枝竹、鳴門卷、花枝丸、韭菜、蕃茄、青豆角。湯底嘅沙茶味道都好香好濃，唔洗點醬料都好夠味。可配方便麵/寬條薯粉/粉絲/米飯，我加咗$10 轉滷肉飯 - 我好怕食到多肥膏嘅滷肉飯，呢度食到嘅滷肉係半肥瘦，味道啱啱好唔會偏鹹，似係台灣食到嘅味道。✨拉絲起司火腿蛋餅蛋餅同我平時食到嘅好唔同，呢度做法比較特別，加咗好多青瓜絲入去，食起嚟冇咁膩。雖然芝士未做到拉絲效果，但整體都還可以。每張檯面都擺放咗酸菜係度，想食可以隨便加。