Video
Read full review
2023-06-08
101 views
同朋友來到Layback cafe 傾下偈，見佢有個Spring menu幾吸引，全部都係櫻花做主題，雖然已經踏入夏季，但來個春末櫻花系列也不錯嘛。好幾樣野都想試，一次過點了😆店員仲貼心地幫個甜品後上。🍟明太子薯條先來份頭盤小食，炸得香脆的薯條加上鮮味的明太子醬，仲有蝦籽同紫菜粉等，立刻有和風感覺😋🦐三文魚籽櫻花蝦海膽櫻花素麵好靚呀粉紅色㗎😍海膽好鮮甜，素麵帶少少酸味很開胃，因為係涼麵真係好啱呢個天氣食呀。🦞原條龍蝦尾牛油果芒果漢堡賣相勁澎湃，啲餡多到塌下來了🤣已經半去殼嘅龍蝦尾啖啖肉，鮮味彈牙，配上牛油果、芒果、蕃茄、生菜等美味又清爽，再加上千島醬汁真係好好味。🍰開心果巴斯克芝士蛋糕最開心梗係食甜品，呢個巴斯克蛋糕軟綿綿，淡淡的開心果味又香又滑，勁正呀😍🧀烤布里芝士配蜜糖堅果另外仲點左呢款烤芝士，嚴格黎講唔算得係甜品，哈哈，因為佢係唔甜嘅😆濃厚嘅芝士味仲要半瀜狀態超正，上面放滿堅果、椰子片、雜莓等甜甜酸酸，真係好睇又好味👏呢款甜品好少見，值得試呀！🥤開心果Dirty作為一間cafe又點可以唔叫埋飲品，開心果啡～個咖啡漸層幾靚😘啡味香，少少開心果味唔會喧賓奪主。🥛櫻花抹茶牛奶另一杯都好
好幾樣野都想試，一次過點了😆店員仲貼心地幫個甜品後上。
🍟明太子薯條
先來份頭盤小食，炸得香脆的薯條加上鮮味的明太子醬，仲有蝦籽同紫菜粉等，立刻有和風感覺😋
🦐三文魚籽櫻花蝦海膽櫻花素麵
好靚呀粉紅色㗎😍海膽好鮮甜，素麵帶少少酸味很開胃，因為係涼麵真係好啱呢個天氣食呀。
🦞原條龍蝦尾牛油果芒果漢堡
賣相勁澎湃，啲餡多到塌下來了🤣已經半去殼嘅龍蝦尾啖啖肉，鮮味彈牙，配上牛油果、芒果、蕃茄、生菜等美味又清爽，再加上千島醬汁真係好好味。
🍰開心果巴斯克芝士蛋糕
最開心梗係食甜品，呢個巴斯克蛋糕軟綿綿，淡淡的開心果味又香又滑，勁正呀😍
🧀烤布里芝士配蜜糖堅果
另外仲點左呢款烤芝士，嚴格黎講唔算得係甜品，哈哈，因為佢係唔甜嘅😆濃厚嘅芝士味仲要半瀜狀態超正，上面放滿堅果、椰子片、雜莓等甜甜酸酸，真係好睇又好味👏呢款甜品好少見，值得試呀！
🥤開心果Dirty
作為一間cafe又點可以唔叫埋飲品，開心果啡～個咖啡漸層幾靚😘啡味香，少少開心果味唔會喧賓奪主。
🥛櫻花抹茶牛奶
另一杯都好吸睛，粉紅色加綠色幾靚😆味道係綠茶奶，微微甜啱啱好👍
又靚又好味，唔係淨係打卡㗎🤭
Post
