Video
Read full review
2024-12-03
440 views
今日老婆生日，緊係要食好啲帶佢開心下！中環IFC呢間「唐述」係我食過最grand最舒服既粵菜fine dining!由門口入到餐廳中間一般路好靚，兩邊好細心咁裝飾好，未入到去開始食都feel到餐廳既用心，好有儀式感。晚餐係呢個「世味人生」套餐，好豐富藤椒蟶子皇，一上枱啲蟶子已經「騰雲吐霧」,原來係底下放左乾冰，好有feel，食落好爽口少少麻辣花雕鮑魚、梅子蕃茄、海蜇銀花，調味好足勁入味，老婆唔知鮑魚有加花雕，都問係咪有花雕酒味，出色！川貝花膠螺頭燉蜜瓜湯，面頭有個泡泡食落好綿有啲杏仁味，好濃郁唔錯脆皮海參同麒麟魚，呢個非常之impressive，平時唔中意食海參既我都讚不絕口！外皮整工好脆卜卜，入面keep到軟淋淋又入味，第一次食脆既海參好驚喜！珍寶珠好得意，用桂圓製成食落冰凍好似雪條咁，清下口腔準備之後既菜式！太子玉枕，其實係香煎元貝，好香肉質軟淋淋煮得岩岩好唔會硬，底下仲有豆腐索晒啲汁好濃味茅台鮮蠔屈雞煲，醬汁完完全全包裹晒雞肉同蠔，雞肉仲要去晒骨勁細心，肉質煲到勁軟身，出色無得彈甘栗珍菌炆飯，睇色水都流晒口水食指大動，飯粒粒分明，入面加左羊肚菌，好有口感最後仲有萬壽薑茶龍鳳湯圓，
中環IFC呢間「唐述」係我食過最grand最舒服既粵菜fine dining!
由門口入到餐廳中間一般路好靚，兩邊好細心咁裝飾好，未入到去開始食都feel到餐廳既用心，好有儀式感。
晚餐係呢個「世味人生」套餐，好豐富
藤椒蟶子皇，一上枱啲蟶子已經「騰雲吐霧」,原來係底下放左乾冰，好有feel，食落好爽口少少麻辣
花雕鮑魚、梅子蕃茄、海蜇銀花，調味好足勁入味，老婆唔知鮑魚有加花雕，都問係咪有花雕酒味，出色！
川貝花膠螺頭燉蜜瓜湯，面頭有個泡泡食落好綿有啲杏仁味，好濃郁唔錯
脆皮海參同麒麟魚，呢個非常之impressive，平時唔中意食海參既我都讚不絕口！外皮整工好脆卜卜，入面keep到軟淋淋又入味，第一次食脆既海參好驚喜！
珍寶珠好得意，用桂圓製成食落冰凍好似雪條咁，清下口腔準備之後既菜式！
太子玉枕，其實係香煎元貝，好香肉質軟淋淋煮得岩岩好唔會硬，底下仲有豆腐索晒啲汁好濃味
茅台鮮蠔屈雞煲，醬汁完完全全包裹晒雞肉同蠔，雞肉仲要去晒骨勁細心，肉質煲到勁軟身，出色無得彈
甘栗珍菌炆飯，睇色水都流晒口水食指大動，飯粒粒分明，入面加左羊肚菌，好有口感
最後仲有萬壽薑茶龍鳳湯圓，好重薑味好正，食完全身都暖笠笠，完美作結！
Post
