六如

Open Now

Now Closed

朋友帶路，第一次嚟呢度食飯。呢度係食新派中菜，裝修幾得意，枱頭放咗個用積木砌嘅招財貓對住你食飯。青芥豆金沙鮮魷皇純粹睇餸名唔明白青芥豆係乜嘢食材，原來就係平時食零食嗰啲硬身嘅芥辣豆，咁樣放入中菜都係第一次見😅 佢嘅鮮魷夠新鮮好軟身，金沙醬夠香但唔鹹，脆皮亦唔會太厚，幾好食。手作糖山冰鎮咕嚕肉擺盤幾靚，咕嚕肉嘅肉質夠幼嫩，但係個皮完全唔脆，甜酸味亦唔夠，麻麻地。桃膠燉手工千絲菊花豆腐千絲菊花豆腐嘅刀工真係唔錯，令到食落豆腐好有質感，糖水味道一般冇乜特別。整體嚟講環境唔錯，但係食物一般。