Video
Read full review
2023-05-15
76 views
細妹喺百忙之中抽空同我食飯，佢話想食泰國菜🇹🇭家姐我梗係即刻搵個好地方啦🥰我見網上好多人介紹《青花》，位置又近細妹公司，於是就決定去試吓！🔸藍蝶花蟹肉菠蘿炒飯（$138）用蝶豆花整嘅甜品或者麵包我就食得多，炒飯都係第一次試，賣相好特別💙鮮甜嘅蟹肉鋪得滿滿，混合埋可口嘅肉鬆、酥脆嘅腰果同香甜嘅菠蘿粒一齊食，好睇又美味。🔸泰式虎蝦金邊粉（$138）金邊粉煙靭有鑊氣，唔會黐埋一嚿嚿，又唔油膩。兩隻虎蝦好大隻，鮮味肉厚。調味剛剛好，配上花生碎，口感倍添層次。🔸榴槤煎餅（$78）榴槤愛好者必點嘅甜品！外層酥皮脆卜卜，入面夾住猶如忌廉一樣咁滑嘅榴槤，一啖咬落去，軟糯滋味好幸福呀💕🔸龍鬚三色冰奶蓋（$48）龍鬚糖而家都十分少見，放喺清涼嘅三色冰上面，可見廚師嘅心思同創意。🔸蝶豆花椰子奶蓋 （$48）可愛嘅粉藍色蝶豆花，加上濃郁嘅椰汁，輕輕混合一齊嘅時候，彷彿藍天與白雲☁️味道唔會太甜，一杯好夢幻嘅飲品。餐廳地點就腳，環境舒適，坐得舒服。每一款食物都適合打卡，而且味道仲非常有水準，我同細妹都覺得可以再encore 😋
我見網上好多人介紹《青花》，位置又近細妹公司，於是就決定去試吓！
🔸藍蝶花蟹肉菠蘿炒飯（$138）
用蝶豆花整嘅甜品或者麵包我就食得多，炒飯都係第一次試，賣相好特別💙鮮甜嘅蟹肉鋪得滿滿，混合埋可口嘅肉鬆、酥脆嘅腰果同香甜嘅菠蘿粒一齊食，好睇又美味。
🔸泰式虎蝦金邊粉（$138）
金邊粉煙靭有鑊氣，唔會黐埋一嚿嚿，又唔油膩。兩隻虎蝦好大隻，鮮味肉厚。調味剛剛好，配上花生碎，口感倍添層次。
🔸榴槤煎餅（$78）
榴槤愛好者必點嘅甜品！外層酥皮脆卜卜，入面夾住猶如忌廉一樣咁滑嘅榴槤，一啖咬落去，軟糯滋味好幸福呀💕
🔸龍鬚三色冰奶蓋（$48）
龍鬚糖而家都十分少見，放喺清涼嘅三色冰上面，可見廚師嘅心思同創意。
🔸蝶豆花椰子奶蓋 （$48）
可愛嘅粉藍色蝶豆花，加上濃郁嘅椰汁，輕輕混合一齊嘅時候，彷彿藍天與白雲☁️味道唔會太甜，一杯好夢幻嘅飲品。
餐廳地點就腳，環境舒適，坐得舒服。每一款食物都適合打卡，而且味道仲非常有水準，我同細妹都覺得可以再encore 😋
左：龍鬚三色冰奶蓋；右：蝶豆花椰子奶蓋
7 views
0 likes
0 comments
泰式虎蝦金邊粉
$138
4 views
0 likes
0 comments
藍蝶花蟹肉菠蘿炒飯
$138
6 views
0 likes
0 comments
榴槤煎餅
$78
7 views
0 likes
0 comments
Post
