Mue Mue

Open Now

Now Closed

經朋友介紹Mue Mue 呢間泰式餐廳，今日試咗佢哋嘅晚餐，每樣都好豐富，食物上菜速度亦會因為我哋食嘢嘅快慢嚟上菜。鹹蛋黃沙律鹹蛋黃碎嘅軟熟加上脆口嘅花生粒、生洋蔥等，口感一脆一軟好豐富。配上獨特嘅香濃泰式香草汁，帶點辣味，好開胃。炭燒沙嗲牛味道好香嘅牛肉，炭燒過嘅牛肉加上濃濃嘅沙嗲醬，肉質亦好軟熟有彈食，食唔停口。海鮮冬陰功賣相精緻嘅冬陰功，有大大隻嘅蝦，仲有滿滿嘅香茅點綴，令味道唔會淨係得辣味，更豐富泰式味道。咖喱原隻虎蝦球咖哩醬加上炒蛋絲，令咖喱更容易黏上虎蝦到，虎蝦被炸過後口感仍然有彈性，外層更有個香脆炸粉口感，兩者非常夾。原個菠蘿炒飯一個大大份嘅菠蘿係我哋眼前，炒飯粒粒分明且啖啖都有餸料一齊食，非常飽足。芒果糯米飯估唔到芒果糯米飯仲會配多兩球香甜嘅芒果雪糕，凍龍眼茶凍泰式奶茶泰式奶茶味道香濃，唔會好澀，佢啲冰仲係用奶茶整成，令成杯飲品最後唔會過淡。