Video
Read full review
2023-07-11
768 views
雖然兩個人之間嘅愛唔係單靠某啲日子取分就成事，但間唔中都要注重儀式感，將流俾對方嘅愛適時地，刻意咁表露出黎❤️ 近排上網搵到罕見主打私房菜嘅良心小店 E Molto Buono ，以法國菜和意大利菜為主，而E Molto Buono喺意大利文指「非常好」，可以見到佢地對自己嘅質素都信心滿滿😎 餐廳位於灣仔區，旺中帶靜，入黑之後可以眺望鬧市燈光燦爛嘅夜景，更設有露台可以吹吹風✨ 餐廳雖然面積不大，但昏黃柔和嘅燈光配上每張檯上嘅蠟燭映照下，氣氛變得格外浪漫🌹餐廳唔會收開瓶費同切餅費，絕對係慶祝特別日子嘅好地方😙 依家用現金埋單有8折，信用卡就 85折，趁機快啲啲book啦🏃🏻♀️今次黎到食佢地嘅Dinner Menu ($928)，差唔多每個course都有得比你選擇，可以揀返啱自己口味嘅菜色✌🏼 餐廳真係跟足曬法國菜嘅上菜速度，吹住水咁享受美食，唔經唔覺就過左3個鐘⏳ 有禮貌嘅店員會喺呈上每一道菜後都會講解食材同食法吃法，令整個體驗增加分💁🏻♂️ 自家製麵包醬配義大利香草包Homemade Dip with Italian Foccacia點餐後就即刻送上無限任添嘅即焗自家製麵包籃，侍應教
今次黎到食佢地嘅Dinner Menu ($928)，差唔多每個course都有得比你選擇，可以揀返啱自己口味嘅菜色✌🏼 餐廳真係跟足曬法國菜嘅上菜速度，吹住水咁享受美食，唔經唔覺就過左3個鐘⏳ 有禮貌嘅店員會喺呈上每一道菜後都會講解食材同食法吃法，令整個體驗增加分💁🏻♂️
自家製麵包醬配義大利香草包
Homemade Dip with Italian Foccacia
點餐後就即刻送上無限任添嘅即焗自家製麵包籃，侍應教我地要由最乾同淡味嗰款開始🙌🏽 墨汁黑芝麻包焗得好香脆，最啱配埋自家醬一齊食🤪 香草麵包混合左香草、Rosemary 同蕃茄乾，外脆內軟，唔洗點加醬已經好好食🍞 芝士脆片上灑滿芝士碎，鹹香味四溢🧀
兩款醬汁都係認真調配過，口感綿密，為麵包加啲濕潤💦 辣肉腸南瓜醬香味十足，而香草茄子醬帶有溫和嘅香草後韻🍆
意式焗釀蕃茄
Baked Tomato and Sausage and Mozerella
蕃茄內裡放滿用義大利辣肉腸碎同牛肝菌嘅肉醬，夾著拉絲嘅水牛芝士🧀 餡料非常惹味，配上天然番茄嘅酸味同埋羅勒等香料，放上伴碟嘅蒜蓉多士真係好似食緊pizza呀🍕
鮮蘆筍蟹肉忌廉湯
Fresh Asparagus with Crab Meat Cream Soup
鮮蘆筍將蟹肉嘅鮮甜味帶出，除左蘆筍嘅顆粒感，仲食得出一絲絲嘅蟹肉🦀️ 將面頭嘅忌廉攪入可以令湯身變得更順滑厚稠，唯獨係搵到幾塊碎蟹殼🙈 不過就證明真係真材實料🤣
香脆蝸牛薯蓉球
Deep Fried Escargot Ball
呢個法式小食將法國蝸牛同薯蓉結合，創造出綿密同豐富嘅口感，而炸至金黃色嘅麵包糠外層就可以帶黎額外酥脆嘅口感🤤 底下放左咖喱講，呢個新奇嘅組合有幾match喎🥘
番石榴雪葩
Guava Sorbet
喺上主菜前會先上個雪葩將嘴裡面遺下嘅餘味清除一下👅 入口清涼嘅口感配上清香的番石
柚味真係好開胃呀❄️
燴澳洲和牛面頰
Braised Beef Cheek
呢個部位嘅油花細緻，膠質更豐富，又軟腍又彈牙，有啲入口即溶嘅感覺😍 佢地火候控制得精準，中心呈現嫩紅色，保留著豐滿嘅肉汁🥩
用刀輕輕一切就可以切開，配上鹹香嘅紅酒汁齒頰留香🥹
Petit Fours · 花茶· 是日甜品
Petit Fours · Tea · Daily Dessert
食甜品前，佢地會先上個小拼盤，上面榛子黑朱古力、玫瑰馬卡龍、蝴蝶餅同埋檸檬白朱古力，配上茉莉花茶有助解膩🍵 今日嘅甜品係芒果布丁，雖然聽個名有啲普通，但擺盤已經贏曬啦🥳 滑溜嘅芒果布丁上面有粒粒菠蘿肉，酸甜交融，為呢個晚餐劃上完美句點🫶🏼
4個甜小食比我地開心share💗
Post
