KAKU (Closed)

🉐榮獲THE BEST OF THE BEST MASTERCHEF RECOMMENDATION RESTAURANT 2023🉐前米芝蓮法國廚師團隊主理🉐Fusion西日菜鮑魚蟹肉沾麵🍜咁濃郁海鮮味同足料嘅沾麵都係第一次是，沾麵湯底係蟹膏昆布鰹魚湯，鹹香味道配以超多蟹肉，真材實料；麵條比較似稻庭烏冬，口感又滑，仲有一隻清酒慢煮鮑魚，唔會太過靭。特盛海鮮釜飯🍲呢一款釜飯嘅精緻度十足，首先飯底係用上日本新潟米，米香重之餘仲粒粒分明，而鋪喺上面嘅海鮮款式多之餘，仲超級新鮮，包括有海膽、帶子、蝦、三文魚籽同魷魚，食得出每一款海鮮嘅鮮味，真係唔可以錯過！Avocado Apple Banana Smoothie🥑🍎🍌🥛而家個個都追求健康，飲品當然要揀番杯高纖維鮮果奶昔，用上日本牛奶，而且冇加額外嘅糖，再加埋新鮮水果打成，有益又健康。玫瑰氣泡蝶豆花茶🍹呢杯飲品唔太甜，伴隨着玫瑰香氣，並帶有清爽的甘蔗和蜂蜜天然甜味，有驚喜！粟米芝士蛋糕🌽🧁粟米嘅蛋糕真係好罕見，再加埋芝士味非常濃郁，口感順滑，係一款出色嘅甜品。