渝味曉宇重慶老火鍋 (渣甸中心) (Closed)

一坐低店員就送上滋潤嘅雪耳糖水比我地，甜度適中、卻10分滋潤，好特別嘅開胃方式。重慶火鍋點小得麻辣湯底，再加上鮮菌湯，有辣有唔辣任君選擇。飲品方面我哋叫咗洛神花茶，濃濃既花茶味道，又唔算太甜，火鍋飲品黎講算高質。食物方面，嗌左蝦滑、茶藍、苕粉、功夫萵筍、肥牛、豆皮、迷你燕餃、鴨血、貴妃蚌等主菜。特別一提蝦滑，十分彈牙又夠蝦味，值得一叫！另外，苕粉比較近似食開既厚薯粉，夠滑夠彈牙最重要係吸汁能力一流，必點！另外想提一提呢個香酥肉，上枱前已經炸好，無論直接食，還是再浸湯都非常好味，夠晒特色。最後甜品叫咗個紅糖糍粑，新鮮炸起、甜度適中、再配上芝麻香，食落10分舒適！