莫云

Open Now

Now Closed

今個新年同朋友去咗呢間喺大角咀嘅高級中菜廳飲茶，餐廳位於酒店地下，門面同埋裝修都高尚優雅，樓底好高，坐得舒服😆我哋揀咗普洱，茶壺用蠟燭熱住，非常細心，點心即叫即蒸，不過都好快送到嚟魚子醬賽螃蟹餃🦀造型好靚，橙色嘅餃子皮包住好多餡料，有爽滑嘅蝦肉，面頭仲鋪滿咗蛋白磅蟹肉同埋魚子醬，口感豐富金箔鮮蝦餃🦐比平時嘅蝦餃睇落更加精緻，味道都唔輸蝕，入面有滿滿嘅蝦肉，食落好彈牙黑松露燒賣皇面頭有大大粒嘅黑松露，入面都好足料，有香菇豬肉同埋蝦粒紅油抄手🥟雲吞皮薄餡靚，配埋紅油醬汁食一流伊比利亞叉燒腸粉🐷佢哋嘅叉燒腸粉，用咗伊比利亞叉燒，夠晒肥美，而且腸粉皮都好煙靭黑松露鮑魚飯🍛面頭又大大粒嘅鮑魚，食落一啲都唔韌，但個飯先係重點，每一啖都散發着黑松露濃郁嘅味道，食落超級香🤤