邁爵斯 (福華街)

Open Now

Now Closed

最近約咗住喺深水埗嘅朋友仔食飯，佢成日話深水埗好多嘢食，所以今次要佢負責帶我去食好嘢 😝 佢二話不說推介咗呢間，佢話餐廳一到晚飯時間就會大排長龍。睇完個餐牌真係嚇親我 😱 價錢貼地又親民，最平嘅小食只係 $23 蚊，呢個價錢真係冇乜餐廳可以做得到。滋味洋蔥圈 ($28) : 洋蔥圈熱辣辣脆卜卜，呢啲洋蔥圈小食，外面起碼收你 $40 蚊以上，而家 $28 蚊就食到 😍 實在令人難以置信。牛油果大蝦意大利飯 ($68) : 味道正常，將牛油果攪溶作為意大利飯嘅醬汁，而喺飯上面放咗三隻大蝦，雖然大蝦係急凍嘅，不過都幾爽口彈牙。