露台餐廳

Open Now

Now Closed

朝早食完淺水灣露台 夜晚再戰半島露台兩間露台最大分別當然係環境， 前者清幽舒適， 後者高貴不凡。見到食評話選擇唔多，但其實足夠。 頭盤新鮮例如龍蝦、 長腳蟹肉質鮮甜， 有別於一般酒店的質素。 鮑魚帶子都有好幾款。 值得一提佢嘅海蜇 沙律做得唔錯 其實食幾轉頭盤都已經有啲飽主菜亦不乏貴價食材， 發菜花膠花菇蠔豉， 蠔豉大大隻炆得入味 羊架肉質鮮嫩，唯獨牛扒一般， 可能當日件牛失了水準。甜品試了綠茶cream brulee、 合桃撻同埋雪糕， 倒是不錯的選擇。 太飽試唔到其他最後送上生日甜品( 白酒啫喱配士多啤梨）， 同枱的也有份。 縱使員工們很忙亦樂意為你拍照， 很滿足地離開。