Video
Read full review
2018-08-08
70 views
紀念日要興祝吓，之前唔覺意發現，原來佢咁大個人都冇食過 Teppanyaki !? 有思緒，自然要上網搵心水， 俾我發現呢一間，風評不錯，位於柯士甸站出口 （啱晒佢，放工行過去直達）。舖仔細細，中間係一張鐵板燒枱，兩邊係普通四人坐位，全場坐到二十人左右。book 枱時已註明要坐 bar 枱，可以近距離感受吓鐵板熱辣辣的氣氛。食貴野當然我預算左高budget ， 早前響日本食 Teppanyaki ，真係要成千蚊一位。點知望吓餐牌，呢到價錢又 ok 喎。我地揀左兩個套餐，十勝黑豚肉北海道松葉蟹套餐 $450 及海膽醬焗原隻龍蝦北海道帆立貝套餐 $780 ，用 openrice coupon 仲減兩舊，計計埋埋唔算貴噃。頭盤先上，分別係煙鴨胸沙律盛合杯同埋三點刺身。煙鴨胸味道不錯，沙律菜都清新可口。刺身蝦是 king size 絕不欺場 ，三文魚厚切的，可惜八爪魚就偏乾左。再來的是燒蠔 ，蠔仔隻隻夠新鮮，配上炒香的蔥和煙肉，十分惹味，D碎碎都俾我地撈埋。然後有招牌脆皮煎鰻魚，鰻魚煎到扁扁地真的很脆皮，油脂都抽乾了。第一次咁食法，又幾過癮。下一對出場的是松葉蟹腳同黑松露燒元貝。松葉蟹腳用黑椒
有思緒，自然要上網搵心水， 俾我發現呢一間，風評不錯，位於柯士甸站出口 （啱晒佢，放工行過去直達）。
舖仔細細，中間係一張鐵板燒枱，兩邊係普通四人坐位，全場坐到二十人左右。book 枱時已註明要坐 bar 枱，可以近距離感受吓鐵板熱辣辣的氣氛。
食貴野當然我預算左高budget ， 早前響日本食 Teppanyaki ，真係要成千蚊一位。點知望吓餐牌，呢到價錢又 ok 喎。我地揀左兩個套餐，十勝黑豚肉北海道松葉蟹套餐 $450 及海膽醬焗原隻龍蝦北海道帆立貝套餐 $780 ，用 openrice coupon 仲減兩舊，計計埋埋唔算貴噃。
頭盤先上，分別係煙鴨胸沙律盛合杯同埋三點刺身。煙鴨胸味道不錯，沙律菜都清新可口。刺身蝦是 king size 絕不欺場 ，三文魚厚切的，可惜八爪魚就偏乾左。
再來的是燒蠔 ，蠔仔隻隻夠新鮮，配上炒香的蔥和煙肉，十分惹味，D碎碎都俾我地撈埋。
然後有招牌脆皮煎鰻魚，鰻魚煎到扁扁地真的很脆皮，油脂都抽乾了。第一次咁食法，又幾過癮。
招牌脆皮煎鰻魚
4 views
0 likes
0 comments
下一對出場的是松葉蟹腳同黑松露燒元貝。松葉蟹腳用黑椒略燒香左更添美味，可惜冇乜肉食，如果肥少少便 perfect 了。
黑松露燒元貝燒到啱啱熟，夠 juicy 噃。一隻兩份 share 真係唔夠喉 😝
拆緊蟹殼期間，不停見師傅燒龍蝦，眼見都有五至六隻架。每次步驟都好統一，先落龍蝦，再排返佢靚仔，然後再用蓋焗一焗。差不多時間便加海膽醬同芝士。再用火鎗燒到芝士溶化成表層薄脆皮，內裏係熱溶醬效果，真係好正架！
呢隻係我地架 ！
目測似乎係（好似係）咁多隻裡面最大隻的 ，開心左成晚，正所謂近廚得食吖 ！
海膽醬芝士焗龍蝦
16 views
0 likes
0 comments
另一套餐的主菜係燒黑豚肉，好豬味又夠腍，配上黑醋汁好夾。
十勝黑豚肉厚切
5 views
0 likes
0 comments
之後仲有湯，係用高溫膠袋包住，放響鐵板上燒架。𥚃面有隻大蜆，只要見到袋入面D湯開始滾起，而隻大蜆開口，就 ok 了。
上枱後侍應會幫手剪開袋口，一幅日式小池塘景出現了😍。
S2 鐵板紙包蜆湯
10 views
0 likes
0 comments
食到差不多尾聲，叫左杯 corona cocktail , $48 咋，超大杯。
炒雜菜、燒菇同埋黑松露炒飯亦陸續上枱。炒飯真係好香黑松露味道；炒雜菜亦調味十足，口感爽甜。
鐵板師傅一個人靜靜地不停炒曬全場咁多張枱 （都有成六至七枱客架）。唔見佢有貓紙但又可以記得邊枱食乜套餐，出左乜菜，仲欠乜菜，而且次序完全冇錯。要記咁多野之餘，食材亦唔會 overcook ，真係要俾個 like 佢 👍。
Post
