Video
Read full review
2016-12-05
1266 views
好難得有時間約埋同事一齊去食飯，今次仲要唔係頹廢食，一早已經book定枱嘅日本菜。當中有同事唔鍾意食生野，而呢間餐廳除咗主打生野之外，熟野聽講都幾出色。餐牌選擇好多，不過因為朋友比較鍾意食熟食所以我哋都散叫比較多熟食。咩都未食之前首先食咗三件漬物先，第一個係魚蛋夾Wasabi味，小小刺激味蕾。第二歌就係面豉蘿蔔，醃得夠晒入味，估唔到呢個配搭都好match。最後一件就係螢光魷魚，鹹香十足，加埋有啲檸檬酸酸地都幾重口味。燒雞泡魚$88食壽司之前食少少小食，個個都話雞泡魚好得人驚，但係其實食乾燒嘅雞泡魚干係唔會有事的。本身有少少煙韌嘅口感，再加埋燒汁甜甜地，亦都可以加埋沙律醬，味道都幾特別。壽司12件$580雖然有12件，不過當然唔係一個人食晒，我哋好多個人分享。我就食咗拖羅（吞拿），口感係入口即溶，完全不能質疑佢嘅質素，比起好多日式餐廳都更好，入口係爆曬啲魚油出嚟。右上角黑黑地嗰個係活北寄貝，爽口之外又有少少海水鮮味，唔使點咁多豉油。秋刀魚係左上第二個，平時秋刀魚都算係比較廉價嘅食材，但係做到刺身當然要求比較高，加埋啲蔥花，雖然口感唔會好呀但係與魚味一流。美國生蠔＄220本身隻生蠔已經好肥
餐牌選擇好多，不過因為朋友比較鍾意食熟食所以我哋都散叫比較多熟食。
咩都未食之前首先食咗三件漬物先，第一個係魚蛋夾Wasabi味，小小刺激味蕾。第二歌就係面豉蘿蔔，醃得夠晒入味，估唔到呢個配搭都好match。最後一件就係螢光魷魚，鹹香十足，加埋有啲檸檬酸酸地都幾重口味。
燒雞泡魚$88食壽司之前食少少小食，個個都話雞泡魚好得人驚，但係其實食乾燒嘅雞泡魚干係唔會有事的。本身有少少煙韌嘅口感，再加埋燒汁甜甜地，亦都可以加埋沙律醬，味道都幾特別。
壽司12件$580雖然有12件，不過當然唔係一個人食晒，我哋好多個人分享。我就食咗拖羅（吞拿），口感係入口即溶，完全不能質疑佢嘅質素，比起好多日式餐廳都更好，入口係爆曬啲魚油出嚟。
右上角黑黑地嗰個係活北寄貝，爽口之外又有少少海水鮮味，唔使點咁多豉油。秋刀魚係左上第二個，平時秋刀魚都算係比較廉價嘅食材，但係做到刺身當然要求比較高，加埋啲蔥花，雖然口感唔會好呀但係與魚味一流。
美國生蠔＄220本身隻生蠔已經好肥美，不愧為美國生蠔，上面就有加上煙肉和洋蔥，好多食蠔都係咁樣食。蠔身咁已經好吸引，再加埋調味不會太濃，冇遮蓋原本有的鮮味。好爽口啊！
美國西冷$380一粒粒嘅西冷牛肉一口一件，裏面仲帶粉紅色，估計大約六成熟左右，未至於入口即溶不過鬆化之餘亦有鮮牛的香味。
日本生薑豬$220
生薑甜中帶辣，照食無妨，而且豚肉脂肪分布均勻，唔會太有咬口，配埋本身店舖用的醬汁味道亦有驚喜。分量都夠大，幾個人食都夠。
日本帶子＄150大大件，一早已經切開成四件，口感彈牙之中又有少少軟熟，吃到一絲絲的帶子，加埋上面的三文魚子唔會單調，除咗鮮味之餘仲有腥味。
最後甜品就有焦糖燉蛋，下面嘅cream入口即溶，口感順滑，實屬高水準之作，而且焦糖燒得剛剛好，亦不會過厚。
環境闊落舒服，高質素壽司熟食，所以算得上物有所值。
Post
