AMONA

Open Now

Now Closed

同事係素食主義者，將近生日諗住買個蛋糕慶祝一吓，於是上網搜尋，搵到一間位於觀塘工業區嘅手製蛋糕店 AMONA,位於觀塘成業街16號怡生工業中心H座1樓H10號舖，地鐵站行過去5分鐘。餅店有很多款式唔同尺寸蛋糕可供預訂。蝶豆花純素蛋糕，無蛋奶素，無麩質嘅蛋糕，全天然食材，不加防腐劑，蛋糕製作精美，成個蛋糕粉紫色好靚，上面灑上食用花及乾果粒，切開裏面上下兩層蛋糕，中間有果醬，比一般蛋糕結實，味道好豐富，有粒粒開心果同堅果粒。整體係好好味道，最緊要適合唔同人需要，同事都非常滿意，食得好開心。