Video
Read full review
2020-11-05
58 views
本人好少食素菜，不過係一位嚮往素食主義嘅朋友極力推介之下，決定試一試佢。一入到餐廳，就比個環境吸引住，原因係整個環境令我覺得舒適。我同女友各自叫左一個晚市套餐；＄238一個晚市套餐，有前菜、手卷、湯、主食、甜品、飲品，不得不說性價比相當高。前菜係沙律，當中有柚子、車厘茄，甜甜酸酸，十分開胃。手卷亦都好特別。一般手卷都會用紫菜包住飯團，但今次手卷包住嘅係苜宿芽，食落嘅感覺好似豆苗加芽菜；而且加埋蘆荀、青瓜、芒果、牛油果，感覺好fresh。2款湯都充滿濃濃嘅雜菌味，西式嘅類似平時西餐廳飲到嘅蘑菇湯，口感非常豐富；中式嘅感覺就似飲緊補湯，充滿中藥嘅味道。主食分別叫左青咖喱薄餅、焗芝士千層麵。青咖喱入面全部都係蔬菜，但咖喱味都好濃郁，同有肉嘅咖喱一樣咁好味；除左有薄餅外，仲會白飯，2樣都同咖喱十分夾。焗芝士XXX，永遠都係我心中嘅排行榜 Top 10, 而餐廳嘅焗芝士千層麵亦都有相當水準。餐飲我地加錢轉左特飲，分別係洛神花及杏仁牛乳。洛神花茶好fresh，牛乳就好重杏仁味。最後仲要食埋2款特別嘅甜品。紫脆金迷，賣相好有層次感，有雪糕、酥皮脆片、奇異梓、糯米磁，加埋一齊嘅口感好豐富，又健康。紫薯
一入到餐廳，就比個環境吸引住，原因係整個環境令我覺得舒適。我同女友各自叫左一個晚市套餐；＄238一個晚市套餐，有前菜、手卷、湯、主食、甜品、飲品，不得不說性價比相當高。
前菜係沙律，當中有柚子、車厘茄，甜甜酸酸，十分開胃。
手卷亦都好特別。一般手卷都會用紫菜包住飯團，但今次手卷包住嘅係苜宿芽，食落嘅感覺好似豆苗加芽菜；而且加埋蘆荀、青瓜、芒果、牛油果，感覺好fresh。
2款湯都充滿濃濃嘅雜菌味，西式嘅類似平時西餐廳飲到嘅蘑菇湯，口感非常豐富；中式嘅感覺就似飲緊補湯，充滿中藥嘅味道。
主食分別叫左青咖喱薄餅、焗芝士千層麵。青咖喱入面全部都係蔬菜，但咖喱味都好濃郁，同有肉嘅咖喱一樣咁好味；除左有薄餅外，仲會白飯，2樣都同咖喱十分夾。
焗芝士XXX，永遠都係我心中嘅排行榜 Top 10, 而餐廳嘅焗芝士千層麵亦都有相當水準。
餐飲我地加錢轉左特飲，分別係洛神花及杏仁牛乳。洛神花茶好fresh，牛乳就好重杏仁味。
最後仲要食埋2款特別嘅甜品。紫脆金迷，賣相好有層次感，有雪糕、酥皮脆片、奇異梓、糯米磁，加埋一齊嘅口感好豐富，又健康。紫薯千層pan cake，有好香嘅紫薯味。
經過今次之後，我對素食有所改觀，估唔到素食都可以咁好味。
Post
