Video
Read full review
2017-10-14
348 views
平日餐餐都多肉少菜，加上應邀多外出晚飯，所以今晚特別一點，食素菜晚餐。晚市有餐套，有齊前菜、小食、餐湯、主菜及甜品，還可加飲品，超級豐富。估唔到而家的素菜變化多又有新鮮感，中式、日式、西式等等，多國菜式都有，總有一款岩自己，而且味道仲好好。本以為素菜會好清淡無味又唔飽，但事實係好美味而且花心思做的菜式，最重要超滿足，夠肚飽有力量。麻醬沙薑豆絲粉皮、泰式香茅金柚鮮果沙律、日式藜麥新薯球。前菜有三款，份量按人數上菜，我地二人的份量也好足夠。用新薯整的日式沙律，加了藜麥感覺更健康，味道很有日式風格。豆絲的質感同外觀都做得好似雞絲，加上麻醬同青瓜絲，正正就是個雞絲粉皮的味道。不過就唔見沙薑，可能太忙，沙薑應該放錯鮮果沙律。沙律汁帶有香茅味，加上菠蘿及金柚多汁，令沙律更清爽，但有沙薑係面感覺唔多夾。蘆筍素香鬆苜蓿芽手卷、香芒牛油果苜蓿芽手卷。紫菜好脆口，加埋芒果與牛油果的無敵組合，無得輸，而且手卷食到底都仲有料。周打黃耳雪燕忌廉濃湯，素菜的西式湯味道仍creamy濃郁，有爽口黃耳同雪燕，與雜菜粒，令忌廉湯濃而不膩。猴頭菇竹笙黃耳雪蓮子燉湯，中式湯也同樣出色，味道溫和滋潤，清晰湯色但有好香的味道，
平日餐餐都多肉少菜，加上應邀多外出晚飯，所以今晚特別一點，食素菜晚餐。晚市有餐套，有齊前菜、小食、餐湯、主菜及甜品，還可加飲品，超級豐富。
估唔到而家的素菜變化多又有新鮮感，中式、日式、西式等等，多國菜式都有，總有一款岩自己，而且味道仲好好。本以為素菜會好清淡無味又唔飽，但事實係好美味而且花心思做的菜式，最重要超滿足，夠肚飽有力量。
麻醬沙薑豆絲粉皮、泰式香茅金柚鮮果沙律、日式藜麥新薯球。前菜有三款，份量按人數上菜，我地二人的份量也好足夠。
用新薯整的日式沙律，加了藜麥感覺更健康，味道很有日式風格。
麻醬沙薑豆絲粉皮
28 views
0 likes
0 comments
不過就唔見沙薑，可能太忙，沙薑應該放錯鮮果沙律。
泰式香茅金柚鮮果沙律
17 views
0 likes
0 comments
蘆筍素香鬆苜蓿芽手卷、香芒牛油果苜蓿芽手卷。紫菜好脆口，加埋芒果與牛油果的無敵組合，無得輸，而且手卷食到底都仲有料。
周打黃耳雪燕忌廉濃湯
26 views
0 likes
0 comments
猴頭菇竹笙黃耳雪蓮子燉湯
20 views
0 likes
0 comments
大啡菇南瓜紫薯鮮豆包焗千層麵
19 views
0 likes
0 comments
千層麵夾著鮮豆包，微彈有點肉魚腐的質感，令人錯覺咬緊肉，都做得幾好。中間仲有南瓜塊、蕃薯塊及菇片，多種口感和味道，用芝士令所有食材都混合一起，所以都幾夾。
青咖哩野菜猴頭菇配印度薄餅及珍珠糙米飯
21 views
0 likes
0 comments
猴頭菇先炸一下，令外層更似雞皮，實在做的外貌同質感都好似雞件，值得一讚。青咖哩微甜帶輕輕辣，好香滑又味道濃郁，十分惹味。
有西蘭花、椰菜花、意大利青瓜、蕃茄、泰國茄子、芋頭等等，多款雜菜又夠健康，配珍珠飯真係好好味。
重點推介配印度薄餅，其香酥味道及帶點煙韌的薄餅，沾青咖哩食，真是一絕。
香茅薑茶$45，晚餐跟餐可減$10，都算抵飲，加上餐廳冷氣比較大，所以飲熱飲更合適。
內有兩個三角茶包，我之後有添多一次熱水，味道都可以。
香茅薑茶
9 views
0 likes
0 comments
熱茶配甜品也不錯。
熱朱古力咖啡
10 views
0 likes
0 comments
拉花頗吸引，幾用心沖製。
宇治抹茶紅豆乳酪蛋糕及古法黑芝麻糕
15 views
0 likes
0 comments
抹茶味很濃重，有茶甘又有茶香，也不會太甜，有點乳酪的微酸令甜品不會太膩，質感結實，但入口溶化開變得幼滑，餅底也有酥香，我好鍾意呢個甜品。
黑芝麻糕味道也算重，但正正只是黑芝麻味重，甜度適中，幾岩鍾意中式甜品的人食，的媽一定十分喜歡。
總捨，食物份量多又飽肚，味道很好，有中、西、日式等選擇，估唔到而家的素菜已經進展到如此多樣化，很吸引人食素菜，的確令我對素菜有所改觀。
Post
