蒙麵

Open Now

Now Closed

三顧草廬屢敗屢戰，今次好好彩一點準時到達，成為最後一個入座，好感動啊~最出名係蒙麵($19) 同特濃番茄薯仔湯底($13) 所以try try，餸方面揀左柱侯牛腩($14)、辣味魷魚($14)、香茅魚餅($11)。食過嘅朋友個個都話必食招牌蜜汁叉燒串($26)，逐串逐串燒所以要等比較耐，難得嚟到又點可以錯過呢~等左十分鐘蒙麵就到了，大大碗好足料~ 番茄薯仔湯好鮮甜，番茄味好出，薯仔都好出色好粉，大大舊薯仔飽肚感十足。蒙麵滑嘟嘟，有d似烏冬，有口感兼同番茄薯仔湯好夾。三款餸裡面我最鐘意另外用碗上嘅辣味魷魚，小小辣幾過癮。柱侯牛腩燜得好淋好入味，香茅魚餅就一般般。食完個蒙麵蜜汁叉燒串就駕到~ 一食真係不得了，烤得外面脆脆地，叉燒超厚身彈牙，coat滿蜜汁甜度啱啱好又唔會太鹹，真係冇介紹錯~ 本來食完個蒙麵已經好飽，食埋個蜜汁叉燒串簡直飽到上心口，超滿足~ 期待下一次到訪~