Chaiwala

Open Now

Now Closed

我不嬲都勁鍾意食印度嘢，呢間餐廳更加係之前想去過幾次，但係次次預早訂位都已經話俾人book晒，所以就算開咗咁耐，今日都係第一次真正嚟食，見到佢哋有全新登場嘅限定餐牌，就諗都唔諗就嗌咗！呢樣嘢就係佢哋個陶土鍋，其實佢嘅歷史，就係當印度喺英治時期，鐵路上嘅其中一款經典美味，都幾值得大家品嚐吓。呢個餐點其實平日嘅中午或者晚餐都會食到，基本上就係印度式嘅煲仔飯，加埋濃厚嘅咖喱味，呢啲咁凍嘅天氣食真係一流！而且我哋今日叫咗個羊，都真係整得好好食，羊肉整得滑嫩，而且好夠味。之後都叫咗個二人廚師發辦餐，基本上就係一個3 course meal，廚師幫我哋決定食乜嘢。我覺得最好食就係個chaat sald同pani puri，口感超級豐富！當然個fish curry都好正啦，美味辣味，食得出好明顯用咗好多唔同嘅香料去製造，味道好有層次感！至於飲品方面，嚟得印度餐廳，點可以唔叫mango lassi，呢度呢杯唔會太甜，而且口感濃密，更加用上矜貴嘅saffron做裝飾。