Video
Read full review
2011-01-31
368 views
十月食過一次，上次太餓唔記得影相，所以冇POST，驚得個「講」字冇說服力嘛今次其實都差D冇影架喇~不過……有DD小意外，令我有空檔記得影低上星期五晚，竟然大忙人朋友抽空陪我食個DINNER，我後到，非常appreciate佢先為我order左一杯熱水，到我後來有「需要」時立即好好去利用~我地先叫左個特式墨西哥煙肉鮮菌莧菜薄餅+美國蜜糖豬肋骨配飯。最先黎0既係莧菜薄餅，估唔到係辣0既，因為千島沙律醬0既關係，anyway，呢個就係有影相0既關鍵位喇~因為辣到要慢慢飲水—已經由滾滾0既熱水變成好易入口0既暖水—真係不得不再次欣慰有熱水供應，當然，事實上好似普通連鎖快餐店都有熱水任飲咁wo~之但係我可以講0既係好多間d水都有d怪味，我通常都係浸餐具多囉結論係，lobby冇呢個問題，所以唔食得辣而食到辣0既我及時有「冇怪味」0既水解辣係件好值得讚0既事~亦都係因為飲水期間，我記得要影相喇~我地見個美國蜜糖豬肋骨遲遲未到，就叫多樣煙三文魚鮮菌莧菜軟芝士飯，冇錯~又係莧菜，其實都幾想問個老闆娘點解咁鍾意用莧菜呢??我有個朋友唔食莧菜架~唔知佢黎食0既時候有冇得換另一種菜呢??估唔到遲0的order
今次其實都差D冇影架喇~不過……有DD小意外，令我有空檔記得影低
上星期五晚，竟然大忙人朋友抽空陪我食個DINNER，我後到，非常appreciate佢先為我order左一杯熱水，到我後來有「需要」時立即好好去利用~
我地先叫左個特式墨西哥煙肉鮮菌莧菜薄餅+美國蜜糖豬肋骨配飯。
最先黎0既係莧菜薄餅，估唔到係辣0既，因為千島沙律醬0既關係，anyway，呢個就係有影相0既關鍵位喇~因為辣到要慢慢飲水—已經由滾滾0既熱水變成好易入口0既暖水—真係不得不再次欣慰有熱水供應，當然，事實上好似普通連鎖快餐店都有熱水任飲咁wo~之但係我可以講0既係好多間d水都有d怪味，我通常都係浸餐具多囉結論係，lobby冇呢個問題，所以唔食得辣而食到辣0既我及時有「冇怪味」0既水解辣係件好值得讚0既事~亦都係因為飲水期間，我記得要影相喇~
我地見個美國蜜糖豬肋骨遲遲未到，就叫多樣煙三文魚鮮菌莧菜軟芝士飯，冇錯~又係莧菜，其實都幾想問個老闆娘點解咁鍾意用莧菜呢??我有個朋友唔食莧菜架~唔知佢黎食0既時候有冇得換另一種菜呢??
估唔到遲0的order個芝士飯先黎，大忙人話比上次食0既份量好似少左咁，我睇之前d食評0既相都好似大碟d呢anyway，我覺得d意大利飯好軟滑，明顯係加入芝士0既功勞，另外，除左最頂圍成三角形0既三文魚外(哎~冇補影一張撥開堆菜0既相添>_<)，成個飯都均勻地夾雜住三文魚粒、白菌同莧菜，可見冇偷工減料，很好就係下面張相咁0既樣啦~
豬肋骨係0係我地差唔多掃光個飯之際上檯0既，賣相都同報導0既差唔多咁，唔錯，睇下~
唔知係咪過火左少少，表面部分0既豬肉都焦左，不過總算係甜度適中，同埋伴碟0既素菜好足夠，最大0既錯誤係我地叫0既係飯，點解?因為呢個豬肋骨係冇任何醬汁可以俾我地撈埋d飯去食，而不幸0既係個飯對我黎講實在太乾太實，以致我不得不浪費左大半個「cup」得好實0既飯我知道「粒粒皆辛苦」，但食左一啖飯0既我已經被嗆到，同樣地，好彩有暖水擺平，否則喉嚨會好受罪……我好想提議大家如果叫豬肋骨配飯問一句「可唔可以加d醬汁?」其實呢度可能比較偏僻，所以未係好旺場，同埋都可能係未夠出名而價錢都仲係比較旺區0既同級餐廳為低，但，最希望係水準可以保持住，價錢都唔好因為人流多左而提高得太多啦~
最後，飽飽咁離開0個陣，仲有老闆娘送到門前+叮嚀一句「小心樓梯級~」架>v<
Post
