Video
Read full review
2025-01-13
218 views
近日一連串節慶活動，已經食咗好多餐西餐了，好想食中菜，所以嚟到中環嘅「六如」。呢間中菜館主打精緻粵菜及海鮮，菜式融合傳統與現代元素。餐廳環境雅致，牆上嘅壁畫裝飾，充滿中國傳統特色，而每枱餐桌都放上招財貓模型公仔，喜氣洋洋。♥️竹炭黑金脆豆腐 $18/1件豆腐外型竹炭烏黑色，帶有一浸淡淡的煙熏香氣。外層酥脆，口感清爽不油膩，内𥚃豆腐保持嫩滑及充滿豆香味。♥️煙燻糖心蛋 $18/半隻蛋白有彈性，咬落爽脆彈牙，帶有煙燻香氣糖心蛋蛋黄部分流心，入口順滑，味道咸香帶焦糖味，口感豐富。♥️脆皮乳鴿 $78乳鴿熱辣辣送上，鴿肉香味四溢，咬落去外皮甘香酥脆外，肉質非常嫩滑，肉汁超多，帶有淡淡的肉香，好正！♥️六如潮香滷水鵝 配手拍青瓜一份優惠價$208/份滷水鵝超香，一上桌已經聞到濃郁嘅八角及其他調味嘅味道，鵝肉都非常入味，每啖都食到滷水嘅鹹鮮及鵝肉嘅鮮味。鵝肉肉質分布平均，唔會太多脂肪，淡淡都係肉😋手拍青瓜爽脆清甜，調味有蒜、醋、辣椒油等，但都唔會太鹹太辣，恰到好處。食落清爽，解膩又開胃，忍唔住食多幾條。♥️六頭鮮鮑（兩隻起） 優惠價$68/隻鮑魚可選黑蒜蒸/剁椒蒸/椒鹽，我哋揀咗椒鹽。厚厚嘅椒鹽包裹煮鮑魚，
♥️竹炭黑金脆豆腐 $18/1件
豆腐外型竹炭烏黑色，帶有一浸淡淡的煙熏香氣。外層酥脆，口感清爽不油膩，内𥚃豆腐保持嫩滑及充滿豆香味。
♥️煙燻糖心蛋 $18/半隻
蛋白有彈性，咬落爽脆彈牙，帶有煙燻香氣
糖心蛋蛋黄部分流心，入口順滑，味道咸香帶焦糖味，口感豐富。
♥️脆皮乳鴿 $78
乳鴿熱辣辣送上，鴿肉香味四溢，咬落去外皮甘香酥脆外，肉質非常嫩滑，肉汁超多，帶有淡淡的肉香，好正！
♥️六如潮香滷水鵝 配手拍青瓜一份優惠價$208/份
滷水鵝超香，一上桌已經聞到濃郁嘅八角及其他調味嘅味道，鵝肉都非常入味，每啖都食到滷水嘅鹹鮮及鵝肉嘅鮮味。鵝肉肉質分布平均，唔會太多脂肪，淡淡都係肉😋
手拍青瓜爽脆清甜，調味有蒜、醋、辣椒油等，但都唔會太鹹太辣，恰到好處。食落清爽，解膩又開胃，忍唔住食多幾條。
♥️六頭鮮鮑（兩隻起） 優惠價$68/隻
鮑魚可選黑蒜蒸/剁椒蒸/椒鹽，我哋揀咗椒鹽。
厚厚嘅椒鹽包裹煮鮑魚，入口鹹香脆口，內裏鮑魚鮮嫩，保留到海鮮原汁原味，肉質紮實，有咀嚼感。
♥️酥炸蜂巢脆蠔餅 $138
外曾經過煎炸嘅蠔餅，口感酥脆香口，內裏嘅蠔仔保持到鮮嫩多汁。蠔仔份量好多，每一啖都食到！
調味適中，蛋餅入口咸香及蛋香味，但唔會掩蓋咗蠔仔本身嘅鮮味，啱啱好！
♥️鮮蘋果陳醋香煎安格斯牛粒 $268
呢一碟菜式擺盤精緻，色彩繽紛，非常吸引。安格斯牛粒大大粒，外焦內嫩，肉質有彈性，新鮮多汁。伴碟放上蘋果粒及菠蘿粒，畫上陳醋作點綴。水果嘅清甜結合陳醋嘅酸味，提升咗牛粒鮮味，更增添清新口感。
♥️六如鮮制新疆棗茸糕(4件) $62
棗茸糕蒸到熱辣辣上枱，入口成個人都暖笠笠。棗茸糕的質地非常柔軟，有彈性。味道帶有紅棗嘅甜味，甜度適中，不會太膩人，適合喜歡清甜口味的人。
♥️笑意紅棗糕 (一盒600 克) $98
農曆新年快到了，喜歡食紅棗糕嘅你唔好錯過嘅！
六如出品嘅紅棗糕，全人手製造，無添加！紅棗糕香氣濃郁，蒸熱後更加突出，健康又美味！
Post
