Video
Read full review
2022-10-12
106 views
今個月係我同余爸爸嘅結婚週年紀念，於是倆口子就揀左食Omakase慶祝，人大了諗唔到想要咩禮物，都係食野最實際，哈哈！【壽司源】位於元朗大馬路附近，西鐵步行約5分鐘直達～ 餐廳環境寧靜，全部都係吧枱，可以睇到師傅表演～ 店員招呼都好周到和有禮貌～我地點左2個set，分別有前菜、多款新鮮美味嘅壽司、手卷、味噌湯和甜品，好豐富呀！前菜好吸睛、富藝術感，燒栗子好甜美，仲有清新爽甜嘅富有柿，卜卜脆嘅三文魚子，山竹蝦和燒鰻魚，想不到第一道菜已經咁吸引！接著就係一件又一件高水準的壽司，就連旁邊嘅淮山、牛旁和薑都好好味啊～師傅幫我地安排由淡味食起～依佐目肉質煙韌，面頭放了紫蘇花，好美的畫面喔！左口魚肉質軟滑清新~北海道根室產帆立貝加入了鼓油青檸汁，令味道更多鮮甜～而家開始食濃味了。。。師傅話石門貝係咁多種貝類之中最好味的，的確入口好鮮甜，非常新鮮！現在是油甘魚當造季節，一定要試，真係入口好香甜、香滑～深海池魚比較濃味，有辣椒蘿蔔做toppings 中和番～梳子魚燒過再灑上芝麻，兩者味道好夾，個汁好仲清甜，好想再來多件啊～真雪魚可以生食，係銀雪魚啲朋友嚟，佢油份比較重，所以師傅將佢燒過，將油份沉底，再
【壽司源】位於元朗大馬路附近，西鐵步行約5分鐘直達～ 餐廳環境寧靜，全部都係吧枱，可以睇到師傅表演～ 店員招呼都好周到和有禮貌～
我地點左2個set，分別有前菜、多款新鮮美味嘅壽司、手卷、味噌湯和甜品，好豐富呀！
前菜好吸睛、富藝術感，燒栗子好甜美，仲有清新爽甜嘅富有柿，卜卜脆嘅三文魚子，山竹蝦和燒鰻魚，想不到第一道菜已經咁吸引！
接著就係一件又一件高水準的壽司，就連旁邊嘅淮山、牛旁和薑都好好味啊～
師傅幫我地安排由淡味食起～
依佐目肉質煙韌，面頭放了紫蘇花，好美的畫面喔！
左口魚肉質軟滑清新~
北海道根室產帆立貝加入了鼓油青檸汁，令味道更多鮮甜～
而家開始食濃味了。。。
師傅話石門貝係咁多種貝類之中最好味的，的確入口好鮮甜，非常新鮮！
現在是油甘魚當造季節，一定要試，真係入口好香甜、香滑～
深海池魚比較濃味，有辣椒蘿蔔做toppings 中和番～
梳子魚燒過再灑上芝麻，兩者味道好夾，個汁好仲清甜，好想再來多件啊～
真雪魚可以生食，係銀雪魚啲朋友嚟，佢油份比較重，所以師傅將佢燒過，將油份沉底，再以辣椒蘿蔔做toppings 中和下～
蝦刺身好爽甜，綠色是蝦子，帶咸香海水味～
秋刀魚也是當造，魚味和油份重，好肥美啊～
長崎縣野生天然大拖羅，又稱蛇腹拖羅，位置是腩位嘅最篤篤，所以比較少有，雖未而家未係時令季節，但都已經好香、好肥美喇！
醋漬青魚有葱花芝麻做toppings，加強層次感~
石門鯛有最肥美嘅鯛之稱，是鯛拖羅, 有乾冬瓜做toppings, 令味道更香濃～
小川白海膽真係令我地回味無窮，大粒、十分甜但不會刺喉～
三文魚子是師傅自己醃漬過的，所以味道好特別，偏甜和有酒香味～
接着是手卷和味噌湯，手卷用料豐富，紫菜好夠脆～
最後食埋呢個豐富嘅甜品三色丸子，有超甜嘅黑糖赤肉蜜瓜和Q彈軟糯嘅三色丸子，無論係顏色和味道都十分吸引，為我地是晚畫上圓滿的句號！
呢晚嘅Omakase為我地結婚週年倍增色彩，更開心難忘，真的很期待下次再來食好西啊！
Post
