鴛鴦口味 (Closed)

樓底都好高下，觀感都舒服嘅，至少冇嘈吵感覺，如果去開某啲適場裡面餐廳，樓底太低真係會好廳聲好嘈。睇餐牌啲菜名有少少似茶記，但係睇下價位同埋食物就知其實係一間餐廳，D野食都幾高檔下，黑毛豬鵝肝春雞基本上乜都有，都係order左碟高檔少少嘅豬肋骨。72小時慢煮話梅燒豚肋骨配炸薯條 $228價錢唔平，賣相不錯，食落質素好高，豬肋骨肉好大塊、配菜薯角、車厘茄。啖啖肉感覺好爽，話梅醬其實開頭真係好難想像，酸酸甜甜甘甘咁，都幾濃味又唔稀，入口咬落去食得出好係好入味，佢話72小時慢煮我諗唔會差太遠，皮有少少少少脆，肉就非常軟，但仍然有咬口(如果唔係煮得夠耐，或者貪快大火煮就會冇晒質感)，本身舊肉偏瘦，冇乜油唧出來，成碟水準真係好高，$228唔會話抵食，叫做合理啦，始終銅鑼灣灣仔一帶餐廳都唔會話好平，呢個價位OK，最緊要係好食就冇怨氣。