鴛鴦口味 (Closed)

我個人喺灣仔區搵間啱心水嘅食店確實唔容易, 喺修頓附近行咗轉都唔知食咩好, 本來諗住食南記算, 點知行前前小小見到間外觀好靚嘅餐廳, 樓底好高, 心諗應該價錢幾貴, 望一望門口個餐牌, 平均百零蚊左右, 一於試一試。果然裝修靚, 座得舒服, 服務好又有禮貌, 餐具同食物都好特別, 又抵食, 有銀聯卡仲有9折, 重點佢有自家口味軟雪糕, 外賣都只係$15大大杯, 呢個價應該呢區好難搵到, 而且顏色好靚好夢幻(唔記得影相). 下次再去呢邊食飯唔洗再咁煩lu!!!

利東街除左影相打卡呃like,食飯都係一個五錯既選擇,今次就揀左一間中西fusion餐廳👓裝修既復古又時尚,野食亦五錯!👍🏻👍🏻當中最欣賞佢既龍蝦雲吞湯,味道十足,賣相亦係影相之選,而且份量亦五小,同露哥share黎飲每人都飲左兩碗👏🏻👏🏻👏🏻其實仲食左好多野,不過淨係掛住影個湯,露哥已經忍五住偷食緊其他😤😤😤😤😤😤😤唯有下次再黎...走之前仲叫左個🍦食,拎走食平過堂食架!!!🍦

Walking around the Wanchai area, I saw this:$15 for softserve! Who can say no to ice cream? Let alone cheaply priced ice cream??Yuan Yang Cafe is a cha chan teng that tries to be a cut above the rest by offering an innovative twist on the favorite. Haven't ever been in  there, I decided to go with the ice cream.For take away only, on weekends the soft serve is $15.  Otherwise, it's $32.  There are two flavors available. Sugas and caramel marshmallow. Or if you want to try both flavors, they have

Lunch set $108鴛鴦口味⋯無論餐廳裝潢或食物都係混合風格，所以蘋果乾我就揀咗果個人感覺最混合嘅秘製非洲雞🐔配蕃茄🍅莞茜湯米粉，再豪比佢加$10要隻太陽蛋🍳！·一大碗米粉🍜，一個餐黎講我就覺得大碗；太陽蛋🍳就煎得靚靚咁放係米粉上面，其實個樣靚啲，唔多唔少睇得開心食又會開心啲嘅；蘋果乾我好鍾意食蕃茄🍅，自己煮麵食都會落🍅，依個習慣都影響咗身邊唔少朋友仔，而依個湯底對於啲蕃茄初哥黎講就好合適，淡淡嘅蕃茄味帶點微酸，我就食唔到茄膏味啦，湯底感覺都幾清爽；反而該有嘅莞茜味就唔太食到，否則，會感覺更清爽🍃。如果你想重口味啲，一於好似我咁吉穿個太陽蛋🍳，蛋汁配麵食，依個永遠百搭好味嘅食法，你唔係未試過呀？·秘製非洲雞🐔，雞肉口感幼嫩又大塊🙈，雖然係set lunch 但一啲都唔馬虎，醬汁有啲啲啲似腐乳嘅質感，但放心唔係腐乳味😂。我就無問師傅咩係秘製，但食落醬汁就係較「杰」有啲甜但又有啲啲鹹，為一塊幼嫩嘅雞肉生色不少；你真係要我講，我諗最貼切嘅係玫瑰腐乳同南乳醬嘅混合 🙊🙈（原諒蘋果乾我食野食得少）

平安夜晚上和女友去完aia便到灣仔尋找美食，誤打誤撞入左呢間餐廳。在門口企左5分鐘，看到餐廳裡有幾張2人的空枱，待應看到我們企在門口的仍沒反應帶我們到座位。等多一陣終於有人帶我們進去，但待應的態度十分差，叫了待應給我們水然後倒濕了張枱，沒有道歉之餘也沒清潔好，好似帶住怨氣來服務我們。食物總括來說是不錯但服務態度實在令人失望。希望餐廳能正視這個問題。

呢日約左朋友食晏,諗住近近地,係公司附近到搵野食..坐得舒服 環境又ok ge.點知中伏是日午餐有好幾款既...咁我就揀左黑松露雜菌芝麻麵 朋友就揀左個咩薯蓉紅酒燴牛頰肉沙律有青瓜粟米生菜加芝麻醬撈埋一齊....餐湯係忌廉南瓜湯....個沙律好似快餐店,茶記果d咁...求其....其實個前菜都咁求其...真係唔好指望佢主菜好~南瓜湯...老實講,係我眼中好難做得好飲....所以佢個湯...我都唔怪佢~但我果個主菜...無味既.....落幾多辣椒仔都係得個辣椒仔既味...黑松露食唔到....我朋友個薯蓉紅酒燴牛頰肉 d汁好咸呀...我地兩樣主菜撈埋就好balance la...但分開就.....難食! 好難食!!非常難食!!! 同埋果到冷氣好凍...大家著多件衫入去....呀....唔好去呀= =所謂明星開既野~都係得個名..d人一樣...得個樣~唯一讚既係..佢地椅子下有個usb位可充電,你仲可以問佢地借充電線tim!!!

下午茶時段來了這裏，一入店舖覺得好高檔好舒服。其實本來約朋友來吃晚飯的，不過時間早左，肚子又餓，所以兩個人吃了四個餐！真係有啲嚇人！呢度食物水準真係唔錯，一睇格局就知道比茶餐廳貴，不過覺得價錢合理，豬扒番茄米粉有驚喜，好開胃！再嚟多個黑松露炒蛋菠蘿包，配沙律。又係好味道。下午茶時段都可以加＄20揀紅酒，感覺好爽。朋友仔想食甜品，佢揀咗個雪糕，又係好搞笑，山楂餅配棉花糖。特別嘅配搭！其實我已經好飽，不過仲有杯茶要飲，揀咗桂花烏龍茶。味道一般，感覺也可以。環境照片店員哥哥俾埋個晚餐餐牌我哋，真係有啲興趣你試吓晚餐。其中有一位很高的哥哥好有禮貌！

好少見lunch set menu有齊中西美食，隔理枱個個都讚嘅蕃茄南瓜湯同mushroom salad（餓到1分鐘食完）係指定嘅 坐低pick main and drinks 就搞掂。仲好啦，午飯時間大家都有限，兩款都俾埋你唔洗喺多種選擇上浪費時間🤗1點前埋單仲免加一 that's perfect for me!酷愛蕃茄嘅我揀了燒春雞莞茜蕃茄米粉。湯米入面起碼有兩隻蕃茄肉，而白糊椒做主要調味刺激食慾，似係無味精喎😲👍🏽燒春雞火喉不錯 同香草一齊煎 令肉食落冇咁乾身，sharp⭐️中式裝潢，西式菜單，多重享受😮

特別搵到張舊相可以寫下! 呢間係某日(大概係7月左右)喺灣仔周圍行搵食既意外收穫! 點左呢個牛柳+燒蝦! 首先無諗過會有咁大隻蝦, 牛相對係細舊, 但係食落又好夠飽! 而呢碟最好味嘅其實係牛同蝦下面既薯蓉...一路食一路講...佢應該落左好多牛油! 非常邪惡但係好好味! 可能間餐廳同公司有d距離, 唔知係咪因為咁, 成餐飯都食到好熱~但係應該都仲會再encore~因為d薯蓉呀!!!

又到Friday,青蛙生日月，但又病咗，找間好食又好座，簡簡單單，一般茶餐廳的食物帶喊，又帶肥腻，試吓這高級茶餐廳-其實是高級餐廳，真有水準，叫咗set lunch:頭盆酸菜沙律-一般周打蜆湯，蜆肉新鲜，令湯鮮味香滑主菜：帶子黑松露炒飯-飯爽口又黏性有嚼勁，又不油膩，帶子當然新鮮配黑松露，聽落到夠香味，食落當然,回味三色蕃茄闊麵，我本人不太喜歡食濶麵，在意大利餐廳，多數一大pat酱，今次好清新，無醬，加小小橄欖油，配新鲜茄仔，乾蕃茄，咸酸乾蕃茄，麵味道淡口，反而食到麵條本質味，爽當然鴛鴦，滑，聞咖啡香，飲落咖啡唔太濃食用器具，有精心配合，雖然比一般茶餐廳貴些，好環境，食物又高質素，又值得

鴛鴦口味是一間中西風味相碰的餐廳，從店中裝潢風格以至店名圖案設計，皆帶有中菜館的特色。而餐廳所提供的食物，則中西菜款交集，創新見玩味。酸椰菜沙律與周打蜆湯是每份午餐皆送上的頭盤。酸椰菜賣相有點似海蜇，酸香開胃，但口感沒預期爽身。 周打蜆湯湯質厚稠，蜆肉芳踪難見。主菜脆香三文魚柳芥辣忌廉汁配薯蓉及時菜，三文魚柳的細嫩感雖只屬中規中矩，但面上的黃金脆脆確能為菜式味道加分。芥辣忌廉汁在味道上和白肉三文魚頗為匹配，倘若能加強芥辣風味效果更佳。同事的南乳燒雞米粉配蕃茄芫茜雞湯賣相挺吸引！ 來到鴛鴦口味怎能不試鴛鴦口味？！咖啡奶茶份量平均，整體味道屬輕盈一類，絲絲滑感隱若體現。

收工過灣仔買模型，順路揀左呢間，8點零鐘都多人，等執枱等左兩分鐘。冇乜心水食乜就決定試D新口味 - 黑松露菌炒蛋菠蘿包，本身真係未食過黑松露菌。外觀就唔錯架，但係由於從來未食過黑松露，確實係有D十五十六，第一個反應係好大"pat"黑松露醬，真係好多，菠蘿包脹卜卜，都keep到脆皮，我唔知其實黑松露價錢有幾貴，不過份量多成咁收呢個價錢都真係叫合理冇怨言。人生第一次食，黑松露又係咩味呢?我先係連埋個包同炒蛋一齊食，好新奇又唔識點簡單形容，即係你食三文治通常都係食啲料，但呢個包就相反，好似食一個蛋治但搽左好多好多唔同嘅醬咁，澀澀地、又清清地、又有草地味、又有少少少少咸，好難形容，我唔知一般黑松露係點食，但除左夾炒蛋我真係諗唔到應該仲可以配咩，反而菠蘿包係其次，但都OK，好唔好食真係見仁見智，但肯定呢個包真係一試難忘。飲品建議配熱/暖茶，因為真係好重味，配水是不行的。未見過其他地方有得咁樣食，通常只會喺高級地方先會有，鴛鴦呢度叫做平民D，所以係幾值得一試。

某日 , 途經 灣仔利東街 見這家餐廳的門面非常型格 , 於是就入去幫襯 ~ 餐廳的裝修潮格且帶濃厚的本土情懷 , 氣氛輕鬆悠閒 ~ Menu ~ 精品鴛鴦據店員所說是使用阿拉比卡咖啡豆 + 特級錫蘭紅茶 精心調配而成 , 口感絲滑 , 味道芳香濃郁 ~特級龍蝦濃湯 配自家秘製雲吞 創意無限的菜式 , 皮薄餡靚的鮮蝦雲吞 伴以 用龍蝦頭、 肉蟹、甜蝦泡製而成的湯 , 絕對係 double fantasy .... 究竟誰是主角 ~ 72小時慢煮話梅醬燒豚肋骨肉質柔軟嫩滑 , 非常入味 , 一咬離骨, 充滿話梅醬的酸甜果味 , 味道極富層次感 , 勁好吃 , 帶來絕對驚喜 ! 阿華田雞蛋仔配雪糕雞蛋仔外脆內軟 , 阿華田味道突出 , 配上雪糕 , 味道創新之餘也極具本土元素 ~ 總括來說 : 食物高質味美又富創意 , 店員的服務態度良好 , 值得幫襯 ~ 本篇完 ~

又收工去灣仔搵食，呢間其實成日經過，但一直都無試，因為店名令我以爲係茶餐廳，只要我有選擇權，我都盡可能避開茶餐廳或冰室，好友話唔係茶記我哋先入去！去到唔使等位，店內燈光較暗，裝修好有特色，好像舊式茶室嘅風格！店員放低餐牌及水，晚餐餐牌無圖片，見啲菜色中英夾雜！fusion style!我睇埋正式餐牌內嘅圖片先勾到食慾，落單時店員都有比意見及推介下啲食品！跟餐沙律：好友大讚呢度嘅沙律菜新鮮，事實都好驚喜，藜麥配粟米，無咗之前食藜麥嘅𡁻泥嘅感覺，沙律菜爽脆清甜，連紅色菜葉都清甜！充滿水份好正！沙律只簡單撈個薄汁！酸酸地開胃！餐湯：夠熱！忌廉唔多，仲飲到南瓜原味，唔會打到無晒口感！好味！晚餐：烤西班牙黑毛豬扒（$238）木板做餐盤，連骨豬扒超級好味，雖然厚身，一啲都無嚡口嘅感覺，充滿肉汁，煎得香口，自己好少覺得豬扒好味，今次係店員推薦，好味！燒菠蘿燒過好甜，好多汁，酸酸甜甜，剛好平衡豬肉嘅油膩感，連皮薯角唔算脆，不過薯味搭夠，好味！福建海鮮意大利飯（$118）好友食，但實物嘅色水同圖片差好遠！味道亦太鹹！好友向店員反映，店員都承諾向廚房反映！香茂青檸蜂蜜（$20）熱肉，香茂好香好醒神，加上青

早前曽出席過店方的試食會，吃過他們的餐點讓我有信心帶家人朋友自費來吃過。適逢今天辦事後途經這店，正值是下午茶時段，無需多作原因便進店吧。下午茶餐有鹹也有甜，通通都跟一杯普通飲品，如若要喝店方的特色飲品，每杯另加$20。有FB遊戲可玩，分享進餐喜悦會得到獎品。額外加$20的 旺寶雪條風味雪飲旺寶雪條即是那條有橙汁冰冰做外層的牛奶雪條, 那是小時候愛吃的雪條品種之一, 飲品會模倣旺寶雪條的有橙、有奶亦有沙冰的味道, 多喝幾口時偶爾都會感覺是有點似旺寶雪條。厚切午餐肉炒蛋菠蘿包配薯條  $ 52看似是一個漢堡包餐的模樣, 幼薯條是比麥記售賣的更為幼, 每一條由頭吃至尾都是既薄皮又脆口的；菠蘿包的面層是會掉碎, 中間夾著厚切午餐肉及炒蛋是無需要任何醬汁也會夠味, 一口咬下去時覺得甚麼都是軟腍, 味道甜甜鹹鹹的, 口感也舒服。另一杯額外加$20的 香茅青檸蜂蜜熱飲讓喉頭舒服, 甜蜜蜜的夾著有香茅提神的香味, 青檸的酸味是有點綴作用。鴛鴦班戟配雪糕  $58兩份班戟都摺成厚疊, 中間是有餡還要足料, 鮮忌廉及大量水果粒, 特別在班戟皮不是滑身的那種。作為下午茶來説，一個餐的售價是五、六十元肯定是高