薀莎餐廳 (Closed)

中秋節前後既日子食左太多餐既中菜，尋晚好想食番餐西餐。但係話哂係假期最後一日，第二朝要番工，所以都唔敢去得遠，加上新港城有泊車優惠........就係咁就出事。先黎服務態度，唔係無禮貌，而係好機械化。D員工只係口號式咁由一個發起叫"歡迎光臨"，跟手成間餐廳既員工輪住叫，但係好明顯係無感情既，對食客黎講其實幾討厭，唔講好過講。至於曾經有食評話D員工係到玩，唔知係咪D員工年紀普遍較年輕，佢地真係夠膽死好似係自己屋企咁隨便，玩笑不禁，令食客為之側目。食物方面，除左個好"鹼"既湯係熱之外，其餘既主菜例如：牛扒、豬手都係凍既。基本上，大部份既野食我同女朋友都原封不動。今次當買個教訓。下次? 仲有咩。