Video
Read full review
2016-11-17
270 views
今日放工同舊同學有聚會，其中一個同學話想試灣仔有間新開嘅餐廳叫風花雪月，見個名幾得意就一齊黎左風花雪月一番啦！哈哈！呢間餐廳似乎主打日本菜，一共有三層，今次我地就去左3樓，主要食壽司同刺身嘅。 Kazahana好似係佢個日本名。可能因為係新餐廳，所以人並唔係太多，侍應笑容好好，服務亦都幾周到，同我地推薦左一啲壽司拼盤。我地最後點左一個刺身拼盤，火炙壽司拼盤同普通壽司拼盤。侍應首先幫我地倒醬油，又擺上兩碟wasabi，原來呢度既芥末係用左黎自日本既山葵即磨而成，口感好豐富，亦唔太辣。刺身拼盤有左口魚+裙邊、牡丹蝦、油甘魚、帶子、拖羅等魚生。服務員細心咁向我地介紹左食用嘅次序，由口味較淡嘅左口魚開始到味道最重嘅拖羅。餐廳嘅刺身十分之新鮮，食落質感同市面上嘅刺身相比更為嫩滑同層次分明，味道都幾鮮甜。我地先食左味道較淡嘅左口魚，同市面上嘅左口魚刺身唔同，呢度嘅左口魚味道較為淡，係慢慢咀嚼之下有陣陣嘅清香。拖羅刺身亦十分之出色，吃落口十分鮮甜肥美，魚油脂十分豐富，非常好吃。壽司拼盤排位好靚，花款很多，有油甘魚壽司、三文魚子壽司、鰻魚壽司等，比起刺身亦毫不遜色。同樣地用料十分新鮮及充足，應該先食軍
呢間餐廳似乎主打日本菜，一共有三層，今次我地就去左3樓，主要食壽司同刺身嘅。 Kazahana好似係佢個日本名。
可能因為係新餐廳，所以人並唔係太多，侍應笑容好好，服務亦都幾周到，同我地推薦左一啲壽司拼盤。我地最後點左一個刺身拼盤，火炙壽司拼盤同普通壽司拼盤。侍應首先幫我地倒醬油，又擺上兩碟wasabi，原來呢度既芥末係用左黎自日本既山葵即磨而成，口感好豐富，亦唔太辣。
刺身拼盤有左口魚+裙邊、牡丹蝦、油甘魚、帶子、拖羅等魚生。服務員細心咁向我地介紹左食用嘅次序，由口味較淡嘅左口魚開始到味道最重嘅拖羅。餐廳嘅刺身十分之新鮮，食落質感同市面上嘅刺身相比更為嫩滑同層次分明，味道都幾鮮甜。我地先食左味道較淡嘅左口魚，同市面上嘅左口魚刺身唔同，呢度嘅左口魚味道較為淡，係慢慢咀嚼之下有陣陣嘅清香。拖羅刺身亦十分之出色，吃落口十分鮮甜肥美，魚油脂十分豐富，非常好吃。
壽司拼盤排位好靚，花款很多，有油甘魚壽司、三文魚子壽司、鰻魚壽司等，比起刺身亦毫不遜色。同樣地用料十分新鮮及充足，應該先食軍艦再食其他壽司，以免軍艦上嘅紫菜變軟。當中我最鍾愛嘅係海膽軍艦及拖羅壽司。海膽壽司上的分量十分充足，吃下口十分鮮美，沒有一點的苦澀及腥味。拖羅壽司粉紅色嘅外表已經非常吸引，食落去肥美可口，魚油香滲入舌中，鮮味在口中久久都未散。三文魚子軍艦亦十分出色，粒粒魚子睇上去精瑩通透，咬下去粒粒魚子爆出陣陣魚香，真係令人回味無窮。其餘壽司亦十分可口，壽司嘅擺放及裝飾亦十分精緻，看得出師傅的用心。
火炙壽司同樣出色，魚生片的生熟程度控制得岩岩好，既有魚生嘅嫩滑又有燒烤的香口，十分值得一嚐。師傅細心地為每件壽司加上了一點小配料調味，如青檸、薄荷葉等，為火炙壽司帶來一種清新口感，舒緩左吃魚生帶來的膩味。呢個拼盤中最值得一提嘅係最常見嘅火炙三文魚壽司。對比起平時係出面食嘅火炙三文魚壽司，呢度明顯做得較為出色。三文魚熟嘅程度剛好，保留到三文魚本來嘅鮮美嫩滑，食落入口即融，配上點點嘅日式沙津醬，簡直係完美嘅配搭。總體來說，呢家新開嘅餐廳十分值得一嚐，從選料、壽司嘅擺設、配搭等都可以睇得出壽司師傅對食物嘅專重同認真。或者價錢並唔算便宜，但卻絕對係物有所值，食物質素同價錢係成正比既！有時食好d鼓勵下自己都唔過分呀！下次還會再帶朋友來的。
Post
