Video
Read full review
2023-04-07
1261 views
同朋友食飯，好怕時限短既餐廳，大家食下傾下好快就夠鐘，攪到成件事好趕咁。而呢間胡同，同朋友食左好幾次，次次坐足成晚都無被趕走。今次Book 7:00晚飯，門口侍應話9:00交枱，不過我地傾下食下坐到11:00都無被趕走😛 。餐廳係中式佈置，枱與枱之間有一定距離，每個坐位都好闊落，並放有cushion，很舒服。餐廳樓底高，有空間感，三邊被全落地玻璃包圍，飽覽維港景色，夜晚可以睇住幻彩詠香港餸飯。餐廳晚上將燈光調較得極之昏暗，所有光源只集中每張枱既中心，為餸菜拍照係好靚既，但枱以外既其他位置影相都好難影相。好喇，到戲肉！同朋友叫左10餸既set，另加半隻片皮鴨。晚餐 1-10 款 - HKD 980:1. 松露鮑魚😋😋😋😋😋》呢個餸係凍食，鮑魚約半隻女仔手掌大小，店家很細心地將鮑魚分成三小件，唔洗舞刀動叉，一口一件，十分貼心。鮑魚質感軟腍易咬，味道鮮甜，食時滲出松露既香氣，好味！2. 魚籽煎鵝肝燻蛋😋😋😋😋😋》呢個餸都係凍食，燻蛋既流心做得好靚！先咬一小口燻蛋試下味先，咦？個燻蛋既味道好淡，少許燻香，但唔覺有額外調味…有點失望之際，再咬多一大口，將蛋，魚籽，連鵝肝一齊咬，Oh? 整個味道逆
餐廳係中式佈置，枱與枱之間有一定距離，每個坐位都好闊落，並放有cushion，很舒服。餐廳樓底高，有空間感，三邊被全落地玻璃包圍，飽覽維港景色，夜晚可以睇住幻彩詠香港餸飯。餐廳晚上將燈光調較得極之昏暗，所有光源只集中每張枱既中心，為餸菜拍照係好靚既，但枱以外既其他位置影相都好難影相。
好喇，到戲肉！
同朋友叫左10餸既set，另加半隻片皮鴨。
晚餐 1-10 款 - HKD 980:
1. 松露鮑魚
😋😋😋😋😋
》呢個餸係凍食，鮑魚約半隻女仔手掌大小，店家很細心地將鮑魚分成三小件，唔洗舞刀動叉，一口一件，十分貼心。鮑魚質感軟腍易咬，味道鮮甜，食時滲出松露既香氣，好味！
松露鮑魚
35 views
1 likes
0 comments
2. 魚籽煎鵝肝燻蛋
😋😋😋😋😋
》呢個餸都係凍食，燻蛋既流心做得好靚！先咬一小口燻蛋試下味先，咦？個燻蛋既味道好淡，少許燻香，但唔覺有額外調味…有點失望之際，再咬多一大口，將蛋，魚籽，連鵝肝一齊咬，Oh? 整個味道逆轉左！
流心蛋竟將魚籽同鵝肝兩樣濃味既食材混合並中和，蛋汁混合埋魚籽既咸鮮，再搭上脆脆地加上豐厚油香既煎鵝肝，令食材既味道升華同互補，配搭很妙。
魚籽煎鵝肝燻蛋
50 views
2 likes
0 comments
3. 酸辣金湯包
😋😋😋😋
》呢個其實係包著酸辣湯汁既小籠包。湯包正常尺寸，表皮厚薄適中，內餡既肉同湯既比例各佔半。湯汁帶點麻辣，每口都帶濃濃肉香。
入口先食到肉汁既香甜，隔一陣，麻味就由舌頭慢慢滲出。我平時唔食辣野，覺得辣味很易將食物本身味道遮蓋，但係呢個湯包既麻辣我係覺得好食既，一D都無遮蓋食物既原味，反而豐富左個味道，Good👍🏻
4. 紫椰菜乳香蓮藕餃
😋😋😋
》呢個蒸餃係燒賣既大細，同金湯包一齊上枱，皮薄，內餡用左爽口既根莖類瓜菜切粒同埋菇粒，食落爽口，味道可以。
酸辣金湯包 & 紫椰菜乳香蓮藕餃
53 views
0 likes
0 comments
5. 魚香虎蝦
😋😋😋😋😋
》呢味餸上碟時，就得一隻開左兩邊既虎蝦，沒多餘既裝飾伴碟，虎蝦既尺寸係接近3/4女仔手掌既長度，唔算很大隻，虎蝦煎到超香，蝦味很濃很鮮。蝦肉既纖維幼細，肉質幼滑彈牙。呢個蝦既醬汁都掛晒o係蝦肉上，入口鮮味到頂點…..好正！
魚香虎蝦
78 views
0 likes
0 comments
6. 青花椒鱈魚
😋😋😋😋😋
》平時好少食魚，因極怕魚腥味，但呢碟鱈魚真係好吸引，塊魚肉係超級雪白，整碟魚肉上枱時雪白到好似發光咁，原塊肉係完美到搵唔到半絲微血管或魚皮黏連著。
塊鱈魚扒係 掌心大既尺寸，食一口，不得了！筷子夾落都feel到軟軟嫩嫩既質感，食落肉質果然細嫩油滑，味道亦一如所料既鮮甜，而鮮甜過後，又慢慢滲出很輕既麻感，d麻感係來自表面既辣椒同埋青花椒，麻感並沒有將魚既鮮甜蓋過，反而係豐富左個味道，very good.
青花椒鱈魚
133 views
0 likes
0 comments
7. 清炒芥蘭苗
😋😋😋
》芥蘭苗很鮮嫩。雖之係清炒，不過味道一d都唔清，係幾濃味 同 重油 既，一貫川菜既特色。
清炒芥蘭苗
72 views
0 likes
0 comments
8. 茴香雞粒蛋炒飯
😋😋😋😋😋
》 呢碗炒飯係全部菜入面最辣既一碟，炒飯粒粒分明，軟硬適中，食落係帶辛辣，而佢既辣同其他餸既麻辣又有d唔同，個味道好香好吸引。
佢既辣係帶點香草味，辣既程度比其他餸高一點，我食一口，就要飲一啖野，加食一口魚，中和返個辣先頂得順。但我都係好鍾意呢個飯，好味程度令我呢個怕辣既人都啪晒成碗。
茴香雞粒蛋炒飯
99 views
0 likes
0 comments
9. 椰汁石榴糕
😋😋😋😋
》個糕點好靚，有三層明顯既分層，最頂層係呈雲石圖案，食落質感係爽口既，好似凍馬荳糕呢d質感咁上下。個糕既味道清甜，每口都有清香既石榴味，雖然個糕名有椰汁二字，但唔係好食得出椰汁味，可能石榴味本身真係太濃，所以蓋過左椰汁味。 Anyway, 個糕係幾好食，清甜帶石榴香，食完咁多濃味餸同辣嘢之後食佢，就有一種解渴同清爽感啦，很好。
椰油石榴糕
60 views
0 likes
0 comments
10. 龍井奶凍
😋😋😋
》呢個奶凍唔太甜，帶超級香濃既奶味，一路食就覺得好似飲緊全脂奶咁。而佢個名雖然有龍井，但其實唔係好食得出茶味。所以味道講唔上特別，因為同其他地方食到既奶凍差唔多味，不過，食完辣嘢之後食佢，用佢來Balance返剛才既刺激，係ok既。
龍井奶凍
74 views
0 likes
0 comments
11. 另加 : 胡同片皮鴨 一碟 - HKD 398
😋😋😋😋😋
》呢碟片皮鴨好好味，而且差唔多枱枱都會叫，個鴨除左好食，仲有得即席睇師傅喺你格離烤鴨，然後即時片埋皮，上菜！
片皮鴨既皮烤到色澤光亮，片片都脹脹卜卜，師傅將每塊都片到肉，脂，皮十分均勻，鴨既味道非常香濃，肉感軟腍，一d都唔柴，每次去胡同食飯都必定會叫。
胡同片皮鴨
188 views
0 likes
0 comments
餐飲 Asian Beauty Mocktail (跟餐+HKD68)
》個餐飲係 茉莉花茶+菠蘿汁+檸檬香茅 調出既無酒精飲料，飲落非常清新，有強勁菠蘿味，好飲。
Asian Beauty Mocktail
45 views
0 likes
0 comments
Post
