胡同

Open Now

Now Closed

餐廳位於尖沙咀中間道，係香港比較既中式fine dinning，每款菜色都做得好精緻，而且仲有各款中西餐酒，再加上個無敵大海景，收工去chill下都岩哂🥔酸辣土豆絲土豆絲爽口，醬汁開胃，整體味道不錯。🥚魚籽煎鵝肝燻蛋魚籽鮮香，鵝肝肥美，燻蛋係我最鍾意既流心狀態，味道層次分明。🦑藤椒滷水小吊桶滷水味濃郁，入口帶少少藤椒既麻辣同香味，吊桶肉質爽脆，味道鮮甜🐮黑椒和牛酥用左千層酥既做法令口感更有層次，餡料放得好飽滿，入口食到和牛既油脂香之餘，仲有少少黑椒既辣，令和牛酥更加惹味🥟魚湯菜肉鍋貼菜肉餡料豐富，鍋貼煎得金黃酥脆，非常美味🦞豆酥龍蝦龍蝦肉質爽彈，炸完後仲保留到鮮甜既肉汁，豆酥睇落似避風塘既炸蒜，但味道比較温和，豆酥香脆得黎帶d甜味，同龍蝦既鮮甜相輔相成🐟本幫鱈魚本幫即係上海話本地咁解，鱈魚厚身但肉質細嫩，而且充滿肉汁🍛龍蝦湯西班牙紅蝦脆米泡飯龍蝦湯濃郁鮮香，西班牙紅蝦肉質彈牙，脆米泡飯口感豐富🫔豆腐雪糕配杏香流心芝麻卷豆腐雪糕香濃，芝麻卷真係有流心既效果再且仲充滿芝麻香，加上外層酥脆既杏仁片，令酥皮更香脆