Video
Read full review
2018-12-16
1227 views
308一年前開始，LCX "新翼" 有好多新餐廳開張，唔少都淨係放左入wishlist，一直未搵到啱機會試。呢個月心血來潮想食返餐靚景晚餐，朋友一直鍾情中餐多過西餐，而我又偏偏鍾意西餐多啲。最後諗起HEXA呢間食中餐得黎有少少Fushion feel 既餐廳，提早2個幾星期先book到枱，重要只得兩個時段選擇，我地揀左6:30，打算食完啱啱好可以去睇場戲。LCX呢個位置真係由地鐵行過黎都要成15-20分鐘，HEXA就喺扶手梯盡頭，到門口已經感覺氣派，Hollywood Glam得黎又有中式元素，例如屏風等等。我地跟住店員轉向右手面，經過左差唔多到天花既bar area，就去到我地座位了！雖然訂枱時冇指定，但都好幸運地坐到最近窗邊的位置！望住中環skyline食呢餐飯，提醒自己要努力搵錢，先可以隨心所欲咁食！其他booth都相當有privacy。嗰日太早lunch，所以叫得特別多野食：杏汁花膠川貝菜膽燉白肺、竹笙蟹皇羹、龍眼蜜生煎金蠔、松茸羊肚菌海膽燴飯、蘇薑蟹肉蛋白東星斑伴件、薑糖芥蘭。先講兩個湯品：杏汁花膠川貝菜膽燉白肺、竹笙蟹皇羹。兩個湯下面都用蠟燭保暖，十分貼心！竹笙蟹皇羹有好多
LCX呢個位置真係由地鐵行過黎都要成15-20分鐘，HEXA就喺扶手梯盡頭，到門口已經感覺氣派，Hollywood Glam得黎又有中式元素，例如屏風等等。
我地跟住店員轉向右手面，經過左差唔多到天花既bar area，就去到我地座位了！雖然訂枱時冇指定，但都好幸運地坐到最近窗邊的位置！望住中環skyline食呢餐飯，提醒自己要努力搵錢，先可以隨心所欲咁食！
其他booth都相當有privacy。
嗰日太早lunch，所以叫得特別多野食：杏汁花膠川貝菜膽燉白肺、竹笙蟹皇羹、龍眼蜜生煎金蠔、松茸羊肚菌海膽燴飯、蘇薑蟹肉蛋白東星斑伴件、薑糖芥蘭。
先講兩個湯品：杏汁花膠川貝菜膽燉白肺、竹笙蟹皇羹。兩個湯下面都用蠟燭保暖，十分貼心！
杏汁花膠川貝菜膽燉白肺
$148
74 views
0 likes
0 comments
竹笙蟹皇羹有好多蟹粉，但唔夠入味，亦都冇我地想像中咁濃稠。
竹笙蟹皇羹
$198
56 views
1 likes
0 comments
我地一致覺得燉白肺係好味啲既，加上入面足料，肺已經清洗到完全冇異味，呢點好重要！ （不過性價比黎講，HKU舊生會始終略勝一籌）
杏汁花膠川貝菜膽燉白肺
$148
53 views
0 likes
0 comments
前菜龍眼蜜生煎金蠔都係好多食家推介既，朋友鍾意食蠔，話要會一會呢味菜。上菜擺碟有新派菜風味，龍眼蜜香醇，不過金蠔煎得有少少太乾，本來脹卜卜既金蠔咬落冇左肥美口感…
龍眼蜜生煎金蠔
$218
100 views
0 likes
0 comments
龍眼蜜生煎金蠔
$218
92 views
0 likes
0 comments
松茸羊肚菌海膽燴飯係全晚highlight，松茸羊肚菌同海膽呢個配搭喺第二度好少食到，因為兩樣都係好濃郁口味既材料，要駕馭真係有返咁上下難度。碟燴飯唔算多（講真，再多啲都會膩到食唔落），但每一啖都食到海膽既鮮，同羊肚菌既香，夫復何求！可惜兩個人食，實在太膩，我地最後都係食唔晒Ｏrz
松茸羊肚菌海膽燴飯
$308
76 views
0 likes
0 comments
食完重口味燴飯，食左個炒薑糖芥蘭清清味蕾，不過不失（相都唔記得影…）之後就係最後一道：蘇薑蟹肉蛋白東星斑伴件。本來對呢味菜好冇想像，上枱發現原來類似羹狀，我地完全估錯晒XD 斑球基本上唔止「球」咁細，2舊加埋都有半隻手掌size，而蟹肉同蛋白就落左個「羹」度。斑球煮得剛剛好，重係滑嫩，但講真，唔係好食得出同出面酒樓有咁大分別。
蘇薑蟹肉蛋白東星斑伴件
$408
69 views
0 likes
0 comments
服務方面，全晚都有待應細心地幫我地換碟，比napkin，等等。最後埋單$1700，食物質素唔係話好驚艷，相信有一半價錢係比左個海景。如果第日想再睇呢片海，會試下其他LCX新翼餐廳，可能CP值會高啲。
Post
