Video
Read full review
2017-12-06
13375 views
為左預祝賴生同屈小姐既紀念日 ，仲有預祝佢快D好番，賴生今日帶同鍾意藍天白雲，身處高地既屈小姐黎到尖沙咀The One 既19樓試下Harlan's個weekday lunch semi buffet!碰巧Mr. Openrice又做緊Harlan's Promotion 7折，仲唔趁機會黎體驗下Harlan's 既Dinning Experience !賴生爲左隆重其事，已經早於一個星期前訂好位，要求坐Window Seat等鍾意係高處睇景既屈小姐可以邊食邊嘆番個靚景！另一方面，為左滿足屈小姐既牛胃，賴生都事先check定究竟Roast of the day會唔會係steak，好彩既係當日都係一如既往係Ribeye!黎到IFC UG2坐升降機上去19樓，一出LIFT就見到Harlan's 嫁喇，同門口個小姐講番個booking details，就會安排人帶位帶你入座嫁喇賴生今次好好彩，Harlan's 安排到個窗口4人座比賴生同屈小姐用膳，除左有位擺袋之外，仲可以坐得舒舒服服，張枱又夠大放到好多野食，而且仲可以望住維港海景食野添!! 只係出面仲有D圍欄，擋住左部份既風景，未算完美!
賴生爲左隆重其事，已經早於一個星期前訂好位，要求坐Window Seat等鍾意係高處睇景既屈小姐可以邊食邊嘆番個靚景！另一方面，為左滿足屈小姐既牛胃，賴生都事先check定究竟Roast of the day會唔會係steak，好彩既係當日都係一如既往係Ribeye!
黎到IFC UG2坐升降機上去19樓，一出LIFT就見到Harlan's 嫁喇，同門口個小姐講番個booking details，就會安排人帶位帶你入座嫁喇
賴生今次好好彩，Harlan's 安排到個窗口4人座比賴生同屈小姐用膳，除左有位擺袋之外，仲可以坐得舒舒服服，張枱又夠大放到好多野食，而且仲可以望住維港海景食野添!! 只係出面仲有D圍欄，擋住左部份既風景，未算完美!! 不過都已經好好彩，打完風都冇落雨，景色尚算幾清。 當我地一坐低之後，侍應就會問你，要唔要D水呢? 要Sparkling定still呢? 假如你似我地都係窮遊情侶系列，又對飲水無乜特別要求的話，不如就同佢講唔駛啦，就咁要熱水就得，會慳番幾十 到 一百蚊嫁!! 當我地settle down之後，我地就睇餐牌啦
Weekday既semi buffet就由$278-348不等，視乎你叫d乜野，我地今次就揀左每人1個Main，所以每人就$308，仲有好多可以升級既選擇(例如+$88頭盤可以包埋生蠔同餐湯，+$98就可以試到呢度出名既波士頓龍蝦天使麵，+$68甜品就可以轉做Tiramisu!)，咁作為窮情侶既我地，屈小姐揀左1個Roast of the day - Ribeye (係屈小姐鍾意食既牛呀)，賴生就揀左魚 - Pan Seared Mullet! 揀完野食，我地向耶和華祈禱表達感恩之情之後，侍應就拎左個熱辣辣既麵包籃比我地啦
麵包籃
153 views
3 likes
0 comments
1) 麵包籃 : 4.5⭐️
個麵包籃一到，D麵包係勁熱，熱到有D辣手嫁!! 連賴生都覺得有D熱呢!! 除左有鹽牛油，佢仲有棷欖油同醋比你點嫁!! 四四方方果個麵包仔比長條形既麵包棒更好食，因為除左味道更香，外皮仲更脆，當然個麵包棒都唔差，外脆內軟，咬落去外皮係會彈唔少麵包碎呢，佢既熱力仲足以將牛油融化嫁!! 而點棷欖油同醋呢就酸酸地好開胃，好夾個麵包嫁!! 但仲有秘技可以點，就係出去頭盤區度拎D鵝肝醬番黎塗麵包食，百般滋味在心頭呢!濃郁既鵝肝醬配鬆軟脆皮既麵包，如果唔係有自助頭盤區，我地一定會食埋剩番果2條麵包嫁
之後我地2個就出去個自助頭盤區拎野食啦，個自助區係正海賀鐵板燒同埋Harlan's既正中間，西式同日式既野食都有嫁，唔駛怕冇野食，因為佢都會不停refill嫁，有沙律、日式前菜、一品料理、芝士、炸物都有，每樣試下都幾飽下嫁!! 我地就採取每樣試dd 試dd既戰略去出擊，好既對手我地就同佢地再戰一回!!
頭盤類 - 沙律菜、蘑菇片、紅菜頭蘋果沙律，黑椒吞拿魚、南瓜沙律、雞肉薯仔沙律、薯仔沙律、他他醬薄牛肉片
154 views
3 likes
0 comments
2) 紅菜頭蘋果沙律: 4.5⭐️
紅菜頭同蘋果都全部切左做一粒粒，食到紅菜頭同蘋果原本既甜味，而且煮得好淋呀! 好正!!
3) 南瓜沙律 : 4⭐️
D南瓜煮熟晒，淋得黎食到一絲絲，無乜特別既調味，淨係有少少香草係面，所以幾乎只係食到南瓜味
4) 薯仔雞肉沙律:3⭐️
普普通通既一個沙律，薯仔同雞肉都因為黏滿吞拿魚碎，不過雞肉真係稍微鞋左少少
5) 自選沙律菜:4⭐️
有好多種沙律菜同配料比你自己選擇，火箭菜、羅馬生菜、紫椰菜、松子、提子乾等等，份量同種類都好多，而且都新鮮!
6) 薄牛肉:3.5⭐️
片到勁薄，薄到好似1mm 一塊咁，食落唔算重牛肉味，略鞋! 不過片得薄就可以食多d，因為唔heavy!
7) 黑椒吞拿魚:5⭐️
估唔到呢隻吞拿魚唔錯喎!!冇筋，魚肉肉質都實淨嫩滑唔鬆散，證明都新鮮! 加左黑椒圍邊香得黎又唔會腥，而且仲帶到吞拿魚魚味出黎! 唔錯，我地有翻啅!!
頭盤類 - 煙三文魚、Parma Ham，哈蜜瓜，鵝肝醬Cracker
144 views
0 likes
0 comments
8) Parma Ham (淺紅): 4⭐️
就咁食就會咸左d，但配埋哈蜜瓜就超夾! 油脂唔算勁，而且肉質柔軟，唔錯!
9) Parma Ham (深紅): 3.5⭐️
味道唔夠濃，可以就咁食既，但肉味唔算出
10) 煙三文魚: : 3⭐️
太咸了，遮晒三文魚既魚味，唯一一樣能保留既就係魚既肉質!
11) 鵝肝醬:4.5⭐️
意想不到有鵝肝醬食，超大量任你自己拎，夾餅夾麵包食一流，香得黎又好味!! 不過係肥野黎嫁，要小心!
日式溏心蛋
113 views
1 likes
0 comments
12) 日式溏心蛋: 4⭐️
好滑呢!一拮入去蛋黃流晒出黎，蛋味好出，而且加左蟹籽係面，加添口感同趣味，唔錯!! 不過如果個汁既鰹魚味再濃d，一定會好好食，而且就冇乜味道，差小小!
任食頭盤 - 中華沙律、莎樂美腸、免治雞肉棒、忌廉蟹肉薯餅、芝士、扎肉火腿片、煙鴨胸
122 views
0 likes
0 comments
13) 莎樂美腸: 4⭐️
好難得地唔會咸到入唔到口，調味岩岩好，而且食到中間既粒粒口感! 唔錯! 不過加工食品都係唔好食咁多lu!
14) 火腿扎肉片 : 3.5⭐️
呢隻有少少咸!，不過接受到!
15) 火腿扎肉片(洋蔥版) : 4.5⭐️
係3隻加工肉入黎最好食果隻，調味恰當，而當中滲出洋蔥既甜味同香味，正!
16) 煙鴨胸: 4⭐️
煙鴨胸既味道同平日食既冇分別，不過皮就薄d，明顯冇咁肥，健康d!
17) 中華沙律:4.5⭐️
好爽口呀! 條條都粗身，唔會散同細條，每兜份量都多，食得好爽呢! 賴生即時諗起佢果位中華沙律殺手朋友!
18) 芝士類 : 3.5⭐️
有3種芝士比你揀，有隻就偏硬身，而Blue cheese就最好味，軟滑!
19) 日式蟹肉忌廉薯蓉餅:4⭐️
入面既薯蓉好滑，有淡淡蟹味，幾好食既，但有個致命傷就係外層就因為凍左而淋晒
頭盤類 : 日式蘿蔔燉牛腩、黑椒吞拿魚，泡菜吞拿魚漬、紅菜頭蘋果沙律，吞拿魚薯仔沙律
109 views
1 likes
0 comments
20) 吞拿魚泡菜: 3⭐️
吞拿魚同泡菜真係可以話係2個世界黎，完全唔夾，哈哈! 吞拿魚粒食唔到泡菜味，泡菜又食唔到吞拿魚味，大纜都溝唔埋!! 不過其實d泡菜本身幾好食!!
21) 日式燉蘿蔔牛腩:5⭐️
經過長時間炆燉之後，蘿蔔同牛腩都已經淋晒，而且味道精華仲已經吸晒落蘿蔔同牛腩內，超甜既呢!! 正! 忍唔住食左3碗!!
22) 鰻魚蛋卷:4⭐️
賴生睇住佢成盤新鮮拎出黎，而屈小姐又好鍾意食鰻魚同蛋，呢個一定岩啦! 不過，原來係凍既，蛋都甜既但就稍微實左少少，而鰻魚就勁彈牙，存在感超強! 係可惜左凍左者!
Roast of the day - Ribeye
$308
108 views
2 likes
0 comments
23) Roast of the day - Ribeye : 4.5⭐️
好好彩地今日個Roast of the day 係屈小姐想食既牛肉 - Ribeye! 我地叫左3成熟，但黎到都好似變左5成lu~~! 肉質有少少鞋口但有牛肉味!! 就咁點汁食都好好食，佢仲有黃芥辣同芥籽芥末醬比你點嫁! 賴生就鍾意芥籽芥末醬，少少酸味但粒粒口感，正!! 點黃介辣都ok，唔會遮到牛肉味得黎又攻鼻!!
不過配菜既薯角就因為油太多既關係淋左，而豆角同栗米都係滴油既朋友，要扣一扣分呢!
Pan Seared Red Mullet, Baby Spinach and Scallop Lemon Butter
$308
88 views
2 likes
0 comments
24) Pan Seared Red Mullet, Baby Spinach And Scallop Lemon Butter : 4.5⭐️
塊魚肉唔算大塊呢，不過勝在肉質實淨彈牙帶子粒就甜得黎爽口，不錯!! 但係菠菜就有少少苦味!! 個檸檬牛油汁就正正常常，唔係好覺食到咩檸檬味，但唔會酸!不過整體細味之下，都係覺得中式既整魚方法比西式既好好多，會整到有唔同魚味出黎，而西式既方法黎黎去去都只係突出到個肉質。
Hot Lemon Tea
109 views
0 likes
0 comments
25) Hot Lemon Tea : 4.5 ⭐️
呢度個熱檸茶係用茶包沖嫁，可以直接就咁飲，而且檸檬分開上，唔會浸得耐變苦澀! Great!
Dessert - Fruit
174 views
0 likes
0 comments
26) Dessert Selection - Fruit : 4⭐️
新鮮既生果黎嫁!不過份量好似少左d!
士多啤梨慕絲蛋糕 配 野莓雪芭
127 views
0 likes
0 comments
27) Dessert Selection - 士多啤梨慕絲蛋糕 : 4⭐️
個慕絲蛋糕好重士多啤梨味嫁! 好好食，但面上果PAT朱古力就怪怪地，個蛋糕插住既係最好食既 - 火龍果乾，超脆卜卜，而且D種子有粒粒口感正!而個野莓雪芭呢就好又係勁重莓味，好多莓既酸味呢!!
總結 :
Harlan semi buffet勝在有景，而且服務真心超好，每次出去拎野佢都會幫你摺番好餐巾放枱面，而且屈小姐食藥既時候佢主動問我地駛唔駛加水，同埋大頭蝦既我地漏左包藥，佢即時追出黎比番我地，服務分爆⭐️
之但係論到食物就唔算好多選擇，味道唔係唔好食，但不致驚艷! 假如openrice一路都有做promotion 7折既話，值得去試一試!
#預祝紀念日
#謝謝妳一直的愛及陪伴
#要快d好番呢
#遇上妳很感恩不遲也不早
#繼續珍惜及愛護你，從不間斷
Post
