築間酸菜魚

首先，我地點咗總長酸菜魚，中份適合2-3人分享，份量啱啱好。酸菜魚湯底一端上枱就已經聞到陣陣酸香，湯頭酸辣，刺激味蕾，魚片薄薄滑滑，吸收咗湯底嘅味道，入口鮮嫩得嚟又唔會過腥。🫶🏻配料方面，我地加咗凍豆腐，吸滿咗湯汁後非常入味，每一啖都係滿滿酸辣同鮮甜嘅交織。牛五花片就係另一個亮點，浸咗喺滾熱嘅酸菜湯入面，令脂肪同肉質變得更嫩滑。至於烏鰻魚片，魚肉富有彈性，帶少少滑溜嘅口感，同湯底嘅酸香配合得非常好。最後，加埋啖啖鮮蝦滑，彈牙得嚟仲有一陣鮮味。🐟另外，點左小食浪子鹹酥雞，炸得香脆惹味，外皮酥脆，內裏保持嫩滑多汁，咬落去真係滿足感爆燈！雞肉內裏帶嫩，唔會過鹹，調味恰到好處，仲加咗少少九層塔，令香氣更豐富。🍗