Video
Read full review
2019-08-12
97 views
某銀行信用卡喺老蘭入口戲院有閒日一送一推廣，所以睇戲前後經常會喺附近搵食。地舖有時相對太過熱鬧，如果想舒舒服服食餐飯哩頭有好多樓上嘅選擇。Cuisine Culture喺業豐大廈2樓，正正貼住娛樂行。睇戲慳咗百零，咁晚飯要食番好少少。一入門口見到佢裝修都幾清爽簡潔，唔係嚴肅果啲法國餐。招呼入座後斟水點蠟燭同介紹menu都快手有禮，服務唔錯。餐湯係龍蝦湯。未上枱遠遠已經聞到好濃郁嘅龍蝦味，熱熱嘅濃配上香脆嘅多士，一流。所以話有時食飯真係唔好慳個湯，飲完人都醒神啲。飲完湯收好碗前菜法式焗蝸牛即緊接出場，每道菜都預好時間出係貼心嘅表現。香蒜牛肝菌意粉。成碟意粉就係得蒜、牛肝菌同意粉三種材料，不過炒香晒唻食又唔會覺得”太齋”。意粉火候控制得好，煮完再炒都保持到al dente，用橄欖油去炒感覺上又唔會太油膩同邪惡。主菜叫咗慢火煮紅酒和牛面肉。牛面肉煮得好淋，本身和牛味好香濃，再配以濃郁嘅紅酒汁，配埋多士點汁食，好味。可惜嘅係，如果有碗白飯唻撈汁就正。(OT: 食完店員唻問吓我哋覺得點，我話好味不過碟牛面肉差咁啲，差咗碗飯。佢竟然話會研究吓，下次唻可能真係有得撈飯，聽取意見，抵讚！)一早叫定甜品
Cuisine Culture喺業豐大廈2樓，正正貼住娛樂行。睇戲慳咗百零，咁晚飯要食番好少少。
一入門口見到佢裝修都幾清爽簡潔，唔係嚴肅果啲法國餐。招呼入座後斟水點蠟燭同介紹menu都快手有禮，服務唔錯。
餐湯係龍蝦湯。未上枱遠遠已經聞到好濃郁嘅龍蝦味，熱熱嘅濃配上香脆嘅多士，一流。所以話有時食飯真係唔好慳個湯，飲完人都醒神啲。
飲完湯收好碗前菜法式焗蝸牛即緊接出場，每道菜都預好時間出係貼心嘅表現。
香蒜牛肝菌意粉。成碟意粉就係得蒜、牛肝菌同意粉三種材料，不過炒香晒唻食又唔會覺得”太齋”。意粉火候控制得好，煮完再炒都保持到al dente，用橄欖油去炒感覺上又唔會太油膩同邪惡。
慢火煮紅酒和牛面肉
$248
6 views
0 likes
0 comments
主菜叫咗慢火煮紅酒和牛面肉。牛面肉煮得好淋，本身和牛味好香濃，再配以濃郁嘅紅酒汁，配埋多士點汁食，好味。可惜嘅係，如果有碗白飯唻撈汁就正。(OT: 食完店員唻問吓我哋覺得點，我話好味不過碟牛面肉差咁啲，差咗碗飯。佢竟然話會研究吓，下次唻可能真係有得撈飯，聽取意見，抵讚！)
朱古力心太軟配雲呢拿雪糕
$78
17 views
0 likes
0 comments
一早叫定甜品朱古力心太軟配雲呢拿雪糕，食完收到好碟飲啖水就準時奉上。你知啦，心太軟凍咗唔得㗎嘛，但唔安排定，又有排等。心太軟一切開，溫暖嘅朱古力漿山洪暴發咁流出，好誇張，配埋雪糕，我冇嘢補充。
Post
