毓民私房牛肉麵 (Closed)

雖然話係台灣菜, 但我覺得似茶餐廳多d, 係裝修有少少唔同招牌牛肉麵講明招牌牛肉麵, 心諗應該唔會差得去邊, 點知份量好少, 得兩片牛肉, 蘿蔔仲多...30幾蚊既價錢唔太值。排骨飯炸排骨好脆, 幾時都係肥野好味。但如果配飯就寡左d, 因為炸野已經乾, 碟飯又無乜汁, 得少少醬油, 可能配麵會更好。青菜諗住健康d, 另叫青菜, 有難話有咩咁特別。如果食牛肉麵, 都係掛住台灣永康街果間, 真係一試難忘。