Video
Read full review
2006-04-30
10 views
如果有人問我最愛邊樣食物,Fish & Chips會係其中之一樣.呢味菜,差不多係所有放浪過英倫的苦學生之夢靨.你可話我唔識食,又可能,我未試過在英國留學,每次食炸魚薯條,唔係在Camden Town尋找Vintage clothing,就係在球場一邊吃住件Cod,一邊幫自己所擁戴的球會打氣,一切都係正面的回憶.正所謂少食多滋味,多食壞肚皮.)食咩野都係.炸魚薯條咁"埂",迴響當然大過在Tiffin甜品buffet狂掃Tiramisu.英國咁多肥仔,同佢地吃得此味同老麥等垃圾食物多有關,難怪Jamie Oliver要出手了.對我呢類老坑來講,什麼已不重要,反而在意身處幾千里外的前度養子之小島內,能否尋回昔日的風味?很久之前聽聞隱身砵典乍街的小店Chippy,被譽為最正宗的炸魚薯條.一直很想前往,但往往擦身而過,日前收工要出中環搞點事,即慶地捉住左個在中環番工,同樣亦係好想一嘗此味的朋友來試.七點多來到,門口已不見昔日路過見到的剪報,入到去,只見兩名尼泊爾人主持大局.個心即刻涼左一截.既來之則安之,來到點都要叫客傳統Fish & Chips加Green peas.傳統即係用銀鱈魚,如果想
正所謂少食多滋味,多食壞肚皮.)食咩野都係.炸魚薯條咁"埂",迴響當然大過在Tiffin甜品buffet狂掃Tiramisu.英國咁多肥仔,同佢地吃得此味同老麥等垃圾食物多有關,難怪Jamie Oliver要出手了.
對我呢類老坑來講,什麼已不重要,反而在意身處幾千里外的前度養子之小島內,能否尋回昔日的風味?很久之前聽聞隱身砵典乍街的小店Chippy,被譽為最正宗的炸魚薯條.一直很想前往,但往往擦身而過,日前收工要出中環搞點事,即慶地捉住左個在中環番工,同樣亦係好想一嘗此味的朋友來試.
七點多來到,門口已不見昔日路過見到的剪報,入到去,只見兩名尼泊爾人主持大局.個心即刻涼左一截.既來之則安之,來到點都要叫客傳統Fish & Chips加Green peas.
傳統即係用銀鱈魚,如果想要高級少少,可叫條Sole.不過就唔會係Dover sole.
上桌一看,單看外表就似樣,Mushy peas同Chips完全係英式味道,條Cod就有點失手,脆漿重手過頭,上桌果陣已經唔多熱,更遑論脆口?接下來的Sole,換湯唔換藥.要對比的話,係條Sole肉質,係比鱈魚幼細嫩滑.你同我都識分.
加罐Boddington,再來罐汽水,埋單$200,感到深深不忿.
香港咁多英國鬼旅居,總有一兩間鎮場來供級此等異鄉人,一些身心慰籍.未計已執的S&M,Soho小店Corner Shop已經很接近.
其他的,唯有繼續追尋....
Post
